A semana do 18 ao 22 do mes de abril celebramos a Semana do Libro no noso cole con diferentes actividades. "Os luns ao sol" é unha actividade que levamos a cabo tódolos luns dende hai meses na que, se o tempo o permite, o alumnado de 5º e 6º de E. P. le ao alumndo de E. I. no patio escolar xunto ao resto de niveis. Ademais, como cada mércores, fixemos o "Apadriñamento lector" no que os maiores len ou representan un conto aos máis cativos. Ao rematar a semana chegou o turno dos mestres que leron contos en diferentes linguas: galego, castelán, inglés, francés e italiano. Ademais, resolvemos a pregunta do concurso "Elemental, Querida Libroreta" e foi Noa Costas Estévez de 5º de E.P. a gañadora deste concurso. Noraboa Noa!!!

Este ano o Salón do Libro infantil e xuvenil de Pontevedra abriu as portas da súa XVII edición baixo o lema "Canta bichería!". Ata alí achegámonos a meirande do alumnado do noso centro para aprender moitas curiosidades sobre moi distintos tipos de animais (salvaxes, domésticos, acuáticos, polares, insectos...) e gozar desta divertida experiencia!

A semana do 7 ao 11 de marzo celebramos a Semana da Prensa e que mellor xeito de facelo que asistindo a unha actividade do Faro na Escola na que participamos na entrevista de 3 emblemáticos deportistas: Chus Lago, Vlado Gudelj e Óscar Pereiro.

Ao longo da semana traballamos tamén sobre distintas noticias relacionadas co noso proxecto anual "Costumes e tradicións galegas" e durante o recreo radiámolas para todo o centro.

Ademais tivemos a oportunidade de consultar diferentes xornais das catro provincias da nosa Comunidade e establecer comparacións entre eles.

Este ano o destino elixido para a nosa excursión de convivencia foi a vila mariñeira de Baiona. A Fortaleza de Monterreal, a carabela Pinta ou o casco histórico foron algunhas das nosas paradas. Ademais comimos no monte e gozamos tamén do parque no paseo da Palma. Sen dúbida, pasamos un marabilloso día!

Consumópolis é un lugar con acceso a información e actividades sobre o Consumo Responsable.

O obxectivo de Consumópolis é ofrecer unha ferramenta práctica e dinámica que contribúa ao desenvolvemento integral de actuais e futuros consumidores.

O noso alumnado de 5º e 6º de primaria comenzou neste mes a súa participación no concurso, como podedes observar no seguinte vídeo: