Escolares

Ola familias,

Achegamos máis información en referencia á celebración do Magosto e Samaín na escola, en colaboración coa ANPA.

Animámosvos a que veñades o luns 30 a partir das 16:00h compartir connosco a festa do Magosto! *

Para poder comer castañas quentiñas, cada estudante traerá as castañas xa picadas para o luns. Ademais, hoxe enviouse unha circular á casa onde vos pedimos colaboración, a cal consiste en que o alumnado traia ao centro un brick de leite partido á metade, lavado e seco para realizar un obradoiro.

Por último recordamos a posibilidade de que o alumnado traia para o luns unha cabaza tallada ou decorada, así coma que o martes veñan disfrazados/as e traian unha merenda "terrorífica".

Grazas e agardámosvos!

 * Se as condicións climatolóxicas o permiten.

Boa tarde,

Neste curso escolar volvemos convidarvos á celebración do Magosto, que será o luns 30 de outubro pola tarde e da cal achegaremos máis información para a semana.

Ademais, publicamos a circular que mandamos hoxe en relación á celebración do Samaín o martes 31 no horario escolar.

Saúdos!