CONCURSO DE LOGOTIPO CON MOTIVO DO 50º ANIVERSARIO DO CEIP NÚMERO 1 DE FOZ
BASES DO CONCURSO
1.- Obxectivo
Este concurso ten como obxectivo impulsar as capacidades artísticas e creativas que motiven a interación entre o PASADO E O PRESENTE DA ESCOLA, mediante o desexo dun logo conmemorativo.
Este logotipo quedará reservado para uso institucional do colexio pasando a formar parte do mesmo e da súa publicidade, e tamén quedará plamado mediante un gran mosaico nunha parede do edificio para comtemplación dos visitantes.
2.- Tema:
Pretendese que o deseño sexa unha imaxe representativa e característica relacionada co colexio.
Recomendandose que sexa un deseño inédito, sinxelo e orixinal que integre o concepto da ESCOLA A TRAVÉS DO TEMPO.
3.- Dereito a participar:
A participación será de carácter individual e cada concursante poderá presentar ata tres deseños.
Está aberto a calquer persoa, estudante ou profesional, tanto que teña relación co centro como si non.
Quedan excluidos de participar os membros do xurado.
4.- Presentación:
A súa presentación poderá ser en soporte papel ( A3) ou en soporte dixital a través dun CD.
Deberase ter en conta que o LOGOTIPO poderá utilizarse en pequeño e gran tamaño, polo que o deseño debe ser LEXIBLE E CLARO.
O carácter do concurso será anónimo baixo pseudónimo.
Os traballos presentarase nun sobre grande, indicando no exterior do mesmo o PSEUDÓNIMO.
· Dentro deste virá o traballo en soporte (CD ou papel A3) e unha breve descripción e idea do logotipo.
· Tamén incluirá in sobre pequeño pechado, que conterá o Pseudónimo e os datos do autor ou autora: nome e apelidos, asi como a forma de contacto.
5.- Técnica:
Será libre, aconsellandose utilizar cores que sexan fáciles de trasladar á escala de grises, polo de traballar con él en blanco e negro.
6.- Prazo de presentación:
Establecese como data límite o día 27 de febreiro do 2014, ata as 14 horas en secretaría do centro.
7.- Premio:
Establecese un único premio conmemorativo do aniversario para o traballo gañador.
Contará co certificado oficial do primeiro premio do concurso,
Constará o seu nome nunha placa conmemorativa ao lado do MOSAICO.
Farase publicidade do mesmo na prensa.
Este logotipo pasará a formar parte do ANAGRAMA do COLEXIO.
O resto dos finalistas recibirán diploma de participación.
Todos os traballos presentados serán expostos no Centro.
O premio non poderá otorgarse de maneira compartida.
8.- Propiedade Intelectual:
O gañador renuncia, sin limitación, a calquer dereito de explotación sobre a imaxe, reservandose para si únicamente os dereitos de autoría.
9.- O xurado:
O xurado estará formado por sete membros en representación das distintas partes constituintes da Comunidade Escolar e algún especialista en dseseño e na elaboración de mosaicos. Os seus nomes estarán expostos no taboleiro de anuncios do Colexio.
O xurado valorará a creatividade, calidade, orixinalidade asi como o acerto do deseño a hora de captar con elementos visuais elexidos, o espíritu DOS 50 ANOS DA ESCOLA.
O logotipo que teña a maior puntuación do xurado resultará ser o gañador.
O veredito será inapelable e será comunicado o fallo instantes despois da realización das votacións e do levantamento da acta da sesión.
O xurado reservará o dereito a declarar deserto o concurso, se a calidade dos orixinais non é suficiente ou non respetan as bases.
10.- Aceptación das bases:
A participación neste concurso leva consigo de forma implicita a aceptación de todos os artigos que conforman estas bases, asi como, o fallo do xurado.
Nota. Calquer cuestión non prevista nas presentes bases, será resolta polo xurado e comunicada a todos os participantes.
11.- Entrega de premios:
Terá lugar no ACTO DE CLAUSURA do 50 aniversario do colexio e do curso escolar, o día 20 de xuño de 2014, momento en que se procederá a descubrir o LOGOTIPO MOSAICO que pendurará na parede do edificio principal ao lado das bandeiras.
En Foz, a 28 de xaneiro de 2014
A Comisión organizadora do aniversario,
