O Bono Deporte pode solicitarse dende o 8 de xaneiro  ata o 29 de febreiro, e estará dispoñible para todas as familias que teñan fillos e fillas de entre 6 e 16 anos que cumpran certos requisitos.

REQUISITOS PARA SOLICITAR O BONO DEPORTE

• Poderán solicitar este bono as familias que teñan fillosou fillas entre os 6 e os 16 anos no momento de solicitude, que estean federados ou rexistrados no programa Xogade para os centros educativos (no cole está inscrito no programa XOGADE o alumnado de  2º,3º,4º,5º,6º EP).
• Cada menor terá dereito a un único bono, independentemente de se está ou non federado en máis dun deporte.
• Así mesmo, o identificador Xogade ou o número de licenza deportiva federada do menor deberá estar emitida durante 2023.

PASOS PARA SOLICITAR O BONO DEPORTE

O prazo para que as familias con nenos e nenas de 6 a 16 anos con licenza federada ou do Programa Xogade poidan descargar o Bono Deporte abreu este luns. As solicitudes poderán realizarse ata o 29 de febreiro e os bonos descargados poderán empregarse ata o 1 de xullo.

Para solicitar o Bono Deporte, terás que darte de alta na páxina web habilitada pola Xunta www.bonodeporte.gal e achegar a seguinte información:

• Nome e apelidos do proxenitor, DNI, localidade e código postal de residencia, número de teléfono móbil e correo electrónico.
• Ademais, terás que achegar os seguintes datos do menor: nome e apelidos, DNI, data de nacemento e o número de licenza deportiva federada ou o identificar Xogade (contactade co centro ou co profe Javi 659 54 97 74). 

Unha vez realizada o alta, a persoa solicitante recibirá un sms de validación da conta. Tras iso, poderán activar e descargar o Bono Deporte de 120 euros en formato QR no seu teléfono.

Poderá utilizarse en todos aqueles establecementos que se adheriron á campaña. Estes estarán identificados con o distintivo da campaña.

O bono poderá utilizarse ata que se esgote o orzamento total ou ben ata o 1 de xullo de 2024. 

A tramitación é persoal, polo que non se pode facer dende o cole, só a través da páxina WWW.bonodeporte.gal.