Benvidos ó Departamento de Orientación do CEIP Nosa Señora das Dores

Como principal función, este departamento adícase a facer este colexio máis inclusivo. Non queremos que o alumnado se teña que adaptar ó sistema do colexio, senón que o sistema do colexio sexa suficientemente flexible para que todo o alumnado, independentemente da súa diversidade, se sinta cómodo no colexio, e dispoña das ferramentas que máis necesita para desenvolver ó máximo as súas competencias.

Queremos traballar para transmitir a idea de que a diversidade non é un problema, é unha riqueza da sociedade. Non queremos "corrixir" a diversidade, queremos celebrala. Estas dúas viñetas representan moi ben estas ideas.