Hoxe saímos como todos os anos a desfilar polas rúas da vila. O tempo deunos tregua, inda que un poco escasa. Xa de volta comezou a orballar e algúns dos disfraces de cartón comenzaron a fundirse. Pero así e todo pasámolo en grande. Moito traballo previo, como é natural, pero pagou a pena. Apenas saíamos das festas de Nadal cando xa empezamos co trasiego dos disfraces. O tema, os transportes. Educación Infantil, de camións de bombeiros; 1º e 2º, de submarinos amarelos; 3º e 4º, de trens, o tradicional e o de alta velocidade; e os de 5º e 6º, de avións de todo tipo: militares, hidroavións contraincendios, de pasaxeiros, etc. Non saímos na TVG coma o ano pasado, pero pouco importa. Foi todo un éxito. Noraboa a todos polo esforzo e o disfrute, de nenos e maiores.
Para ver todas as fotos -e son moitas- preme aquí ou en calquera das fotos.
