CASTAÑAS E CABAZAS
Remata outubro e comeza novembro. Estamos en pleno outono e no patio de infantil non deixamos de atopar ourizos, castañas, landras, follas secas...
O primeiro venres de novembro gozamos dun riquísimo Magosto, grazas á ANPA, con deliciosas castañas e leite e aproveitamos para celebrar un terrorífico Samaín.
Espuxemos as castañas xigantes que fixemos nas nosas clases: unha bruxa @s de 3 anos, unha Kitty e un vampiro @s de 4 anos e un pirata @s de 5.
Tamén espuxemos as arrepiantes, graciosas e mesmo moi artísticas cabazas que as nosas familias fixeron con nós na casa.
Logo cantamos a nosa canción do Magosto, ben sabemos que vos gustou! Saíunos de marabilla!
Xa algo famentos dimos conta das castañas e do leite e despuxémonos a acender cadansúa cabaza para facer o case máxico desfile das cabazas arredor da escola.
Finalmente queimamos as castañas xigantes feitas o ano pasado para rematar a misteriosa tarde. As castañas elaboradas este ano pasaron a adornar os corredores do centro.
Aquí vos puxemos unha mostra do ben que o pasamos, se queredes ver máis fotos premede aquí.
