1º Ciclo, 2º Ciclo, 3º Ciclo, Actividades, Actividades, Actividades, Actividades, Actividades, Adiviñas, Animación á lectura, Animación á lectura, Apadriñamentos, Biblioteca, Biblioteca, Biblioteca, Curso 2010-2011, curso 2011-2012, Curso 2012-2013, Educación Fïsica, Educación Infantil, Infantil, Inglès, Inglés, Música, Música, Orientaciön, Plan Proxecta, Primeiro ciclo, Primeiro Ciclo, Recomendámosche, Segundo Ciclo, Segundo Ciclo, Terceiro Ciclo

Dende o comezo do proxecto Código 3R tiñamos a intención de incluir dentro das nosas actividades ecolóxicas a reciclaxe do aceite usado do noso barrio de Caranza. Esta actividade requeriría, por unha banda, a colaboración do concello para a merca do material necesario para esta labor: os botes chamados Clakis, onde se introduce o aceite usado colado; as bolsas de tela onde se meten estes recipientes para facer a actividade máis hixiénica; o colector para os clakis cheos e o expositor cos Clakis limpos e listos para volver a usarse. E tamén require unha posterior colaboración das familias porque é nas casas onde se xenera este residuo. Solicitamos ao concello de Ferrol esta colaboración e xa temos a resposta afirmativa por parte deles, pero chegou neste més de maio, polo que comezaremos o proxecto o vindeiro curso.

 Durante a hora de lectura dos xoves e venres os nenos e nenas de 3º e 4º adicámonos a buscar artigos nos xornais sobre todo o que teña que ver coa ecoloxía, o medioambiente, a contaminación, a reciclaxe, ... Logo reflexionamos sobre elas, coméntámolas e colocámolas no mural que está na entrada da escola para o resto dos compañeiros e compañeiras as lean. 

Gustaríanos poder continuar con esta actividade, pero, debido á crise, os xornais xa non chegan gratuítamente á escola, así que, dende hai uns meses non podemos facer esta interesante actividade.

Coa colaboración da mesma nai que fixo o outro obradoido de xabrón repetimos a experiencia no 2º ciclo. Aquí tendes algunhas fotos da experiencia.

O 1º curso de educación primaria desde o inicio do programa Reciclamos con Sogama levamos adiante un proxecto de traballo relacionado co lixo que xerabamos desde a clase, deste xeito unha vez que tíñamos as bolsas para recollida selectiva de lixo iniciamos un estudo de todo o lixo que xerábamos. No inicio a nosa clase separa de forma diferenciada o alumninio (para proceder á súa venda posterior), o papel, o plástico, os resíduos orgánicos (que van ó composteiro, para ser utilizados posteriormente no horto escolar), os tapóns que tamén se xuntan para entregar nunha campaña solidaria, e o resto do lixo que non podemos reciclar que vai a bolsa do xenérico. Diariamente se fai un reconto do lixo de cada tipo recollido (excepto xenérico) para semanalmente realizar un informe do lixo xerado (cantidade e tipo) co que se elaboran gráficas por parte do alumnado. Está previsto realizar un informe final cara fin de curso coa análise de tódolos datos. Neste intre podemos subliñar que desde o inicio ata hoxe o consumo de aluminio descendeu ao traer o alumnado os bocadillos e a froita en envases de plástico reutilizable, o mesmo que o número de botellas de auga pola mesma razón, o que fixo diminuír o número de envases da bolsa amarela, manténdose o lixo enviado para compostaxe.

Visitamos este colector e soprendémonos de que as pilas estiveran polo chan. Colocámolas dentro e, xa na escola, fixemos unha investigación sobre o contido das pilas e das razón de que contaminen tanto.