Coa proximidade das festas de Nadal na escóla comezamos unha serie de actividades para celebrar estas datas. En primeiro lugar adornamos a grande ÁRBORE DE NADAL do centro. Este ano, como estamos traballando o Proxecto das Árbores dende moitos niveis, decidimos usar como adornos elementos relacionados coas mesmas: os froitos e as follas.
Os nenos e nenas e Educación Infantil pintamos as follas do carballo que temos no noso patio de recreo. Así foi como nos quedou:
Entre todos alumnos/as de cada clase fixemos unha xigantesca postal de Nadal para felicitar as festas a toda a comunidade escolar:
Tamén preparamos dúas cancións coa profe de Música para participar no festival de Nadal da escola: A primeira Os reis magos veñen en camión cantámola entre todos/as. A segunda, Co Nadal chega o inverno interpretámola os de 4º e 5º de EI utilizando como instrumentos pulseiras de cascabeis e pandeiretas.
Escribimos a nosa carta persoal aos Reis Magos, ao Apalpador ou a Papá Noel, segundo as preferencias de cadaquen. E a gardamos ata que fose o momento de metela no buzón de Nadal.
E por fin chegou o día do festival! Cantamos, bailamos, tocamos instrumentos; recibimos as súas maxestades de Oriente e ao Apalpabarrigas, que nos entregaron un pequeno agasallo; entregamos as cartas no buzón do Nadal e merendamos coas nosas familias, cos compañeiros e companeiras e con todos os mestres e mestras da escola nunha variada e abundante merenda grazas ás vosas aportacións.
Non vos parece que foi unha festa estupenda?!
Premede nesta ligazón para ver tódalas fotos.