Toda a semana do Entroido tivemos que vir á escola con diferentes elementos que o Meco nos ordeou. Este ano oMECO é a Contaminación, o lixo, os residuos non reciclados, o consumo excesivo,... e todas aquelas prácticas que enferman o noso planeta Terra. Así o martes tivemos que vir con un sombreiro reciclado. O mércores foi unha paxariña ou gravata feita de materiais de refugallo o que tivemos que traer. Por último, o xoves tocou colar e pulseira orixinal e ecolóxica, xunto con todo o anterior. Desta guisa fumos aoXuizo do Meco, que interpretaron os alumnos e alumnas de 6º de Primaria. Finalmente cada clase recitou o Testamento do que lle deixou o Meco despois de ser condeado á fogueira.
O MECO confeccionado polos alumnos e alumnas de 5º de Primaria
O venres comezamos co Pasarúas do Entroido do CEIP Manuel Masdías e da Escola Infantil Galiña Azul de Caranza ao que nos acompañástedes vós, as familias e a ANPA. Fixémolo acompañados da música da canción A saia de Carolina, música da nosa comparsa deste ano. Aquí tendes a letra da canción do entroido, que compuxo toda a escola, e as fotos:
Toda a semana do Entroido tivemos que vir á escola con diferentes elementos que o Meco nos ordeou. Este ano oMECO é a Contaminación, o lixo, os residuos non reciclados, o consumo excesivo,... e todas aquelas prácticas que enferman o noso planeta Terra. Así o martes tivemos que vir con un sombreiro reciclado. O mércores foi unha paxariña ou gravata feita de materiais de refugallo o que tivemos que traer. Por último, o xoves tocou colar e pulseira orixinal e ecolóxica, xunto con todo o anterior. Desta guisa fumos ao Xuizo do Meco, que interpretaron os alumnos e alumnas de 6º de Primaria. Finalmente cada clase recitou o Testamento do que lle deixou o Meco despois de ser condeado á fogueira.
O MECO
Este foi O TESTAMENTO que nos deixou a infantil e que rimamos nós:
3 anos
PARA A PROFE MARIBEL INSTRUMENTOS DE PAPEL
PARA O NOSO PROFE DE INGLÉS UN ZAPATO DO REVÉS
PARA A QUERIDA ALEJANDRINA UNHA FERMOSA BOCINA
PARA OS NENOS DE 4 ANOS UNS PARAUGAS ANANOS
PARA O PRIMEIRO CICLO ALGÚN QUE OUTRO TRICICLO.
4 anos
PARA A PROFE LOLI ÍMOSLLE DEIXAR UN BOLI,
PARA A PROFE ROSA, UN PELUCHE DE OSA,
PARA A MESTRA LAURA, UN XOGO PARA A AULA,
A INÉS IMOSLLE DAR UN MANDILÓN DO REVÉS,
PARA OS NENOS/AS DE 5 ANOS, UN BO PAQUETE DE PANOS,
PARA OS DE 3º E 4º UN BONITO BARCO,
5 anos
A CARLOS, QUE NOS AMAÑA A ESCOLA, DEIXÁMOSLLE UN BOTE DE COLA.
A VERÓNICA QUE NOS COIDA NO RECREO REGLÁMOSLLE UN SOMBREIRO.
A ROSANA QUE NOS DEIXA A CLASE RECHAMANTE DEXÁMOSLLE UN BRILLANTE.
Á CLASE DE 3 ANOS REGALÁMOSLLES UNHA NAVE DE MARCIANOS.
A OS DO 3º CICLO, QUE SON OS DE 5º E 6º DEIXÁMOSLLE UN ESQUELETO.
E AGORA O TESTAMENTO DA CLASE DE 5 ANOS:
A LAURA DEIXÁMOSLLE UNHA XAULA.
A ZOE DEIXÁMOSLLE UN RATO QUE ROE.
PARA ROQUE, UN COCHE DE CHOQUE.
A MENCÍA DEIXÁMOSLLE UNHA SANDÍA.
A ISMAEL UN BARCO DE PAPEL.
A XIÁN REGALÁMOSLLE UN CAN.
A JAVI DEIXÁMOSLLE UN TRAXE DE SKY.
A NEREA QUÉDALLE UNHA BALEA.
PARA LUCÍA É UNHA PISCINA.
A YAGO DEIXÁMOSLLE UN MAGO.
A XIANA REGALÁMOSLLE UNHA PERSIANA.
A VALLE QUÉDALLE UNHA CALLE
E PARA LOLA, UNHA FAROLA.
A ÁLVARO DEIXÁMOSLLE UN CHARCO,
E POR ÚLTIMO A MERCEDES QUÉDALLE UN KILO DE PRECEBES.
O venres comezamos co Pasarúas do Entroido do CEIP Manuel Masdías e da Escola Infantil Galiña Azul de Caranza ao que nos acompañástedes vós, as familias e a ANPA. Fixémolo acompañados da música da canción A saia de Carolina, música da nosa comparsa deste ano. Aquí tendes a letra da canción do entroido, que compuxo toda a escola, e as fotos:
Canción do entroido
O planeta Terra é noso
nós o temos que coidar
e para iso é importante
os residuos reciclar.
Retrouso:
Reciclas no Masdías?
Reciclo si señor.
Todo ben separado
en cada colector (3 veces)
Reciclas no Masdías?
Reciclo si señor.
No contedor azul
reciclamos o papel
separámolo nas aulas
e no patio tamén.
Retrouso
No contedor amarelo
botamos plástico e latas
porque se chegan ao mar
contaminan e ata matan.
Retrouso
No contedor verde escuro,
Que é o que podemos tirar?
O que sobra en cada casa
e non se pode reciclar.
Retrouso
O que sobra das merendas
vai para o noso composteiro
e as follas do noso patio
que recolle o xardiñeiro.
Retrouso
O lixo que tes na casa
arende a reciclar.
Por que non recolles lixo
e aprendes a separar?
Despois chegou a hora de QUEIMAR O MECO e por fin degustar as deliciosas ORELLAS e LEITE agasallo da ANPA. E logo, a xogar! Unha mañá redonda!
Por mor do noso Proxecto Anual de Centro,CÓDIGO 3R, este entroido os nenos e nenas do Masdías ímonos disfrazar de COLECTORES DO LIXO para a clasificación do mesmo e favorecer, así, a súa posterior reciclaxe. O ciclo de Infantil escollimos disfrazarnos do COLECTOR AMARELO, PLASTICHÍN para a nosa clase de 5-6 anos. Por iso o noso traxe ten que levar o tipo de materiais que botamos neste colector, a saber: bolsas de plástico, bricks, latas, botellas de plástico, papel de aluminio, envases de chocolatinas, bolsas de galletas, de patacas fritidas, ... Así que puxémonos a pensar nenos/as, mestras e familias e fixemos un deseño que quedou bastante colorista.
Na nosa clase contamos coa inestimable colaboración demoitas familias que se achegaron o martes 5 de febreiro, pola tarde e o xoves 7 pola mañá a un Obradoido de Disfraces no que nais e nenos/as elaboraron os traxes de toda a clase. Foi unha experiencia, penso eu, moi divertida para todos e todas.
Moitísimas grazas pola vosa participación!
Aquí tendes as fotos da experiencia. Nestas fotos hai persoas que participaron pero non saen nas mesmas, as miñas desculpas por non ter sacado as fotos antes de que tiveran que marchar.
Un día os nenos e nenas de Infantil descubriron unha pequena familia de miñocas, alguns/has din que viron como nacía a pequeniña da súa nai. Foi un día de patio moi emocionante!
Hoxe no Masdías fixemos unha Chocolatada pola Paz para celebrar o DÍA DA PAZ que se conmemora internacionalmente mañá 30 de xaneiro.
Pola mañá todos os ciclos fixemos unha receita que levaba como ingrediente protagonista o chocolate.
Pola tarde as familias viñeron ver a nosaexposición de receitas chocolateadas.
Logo visionamos un vídeo coas nosas fotos e cancións dos pasados festivais de Magosto-Samaín e Nadal.
A continuación bailamos a polca da Paz (premede aquí para ler a letra)
E, por fin, xa pasamos á fantásticaChocolatada con Churroscortesía da ANPA.
Para os nenos e nenas era de valde, pero as familias colaboraron con 2 € que incluían o chocolate con churros e unha rifa. Asrifas foron para sortear a famosa MANTA SOLIDARIA que elaboraron con tanto esforzo e esmero os rapaces e rapazas de 5º e 6º. Os cartos recadados tanto coas rifas como coa chocolatada servirán para financiar parte da excursión que este ano fará oterceiro ciclo de primaria.
Moitísimas grazas a todos/as pola vosa colaboración!!
