Estimadas familias usuarias do comedor escolar:
resumimos a información relativa ás axudas para os beneficiarios do comedor escolar.
Poderán solicitar dita axuda (ANTES DO 6 DE ABRIL) as persoas beneficiarias deste programa que:
- TEÑAN GRATUIDADE TOTAL
- ABONEN A CANTIDADE DE 1 EURO
As solicitudes deberán tramitalas as familias por vía electrónica no portal da Xunta de Galicia https://sede.xunta.gal. Porén, no caso de que estas non dispoñan de coñecementos ou medios para facelo é cando requirimos a axuda do equipo directivo do centro escolar onde teñan escolarizados os seus fillos e fillas, para axudalos a facelo, porque será o único xeito para eles de acceder ás tan precisas axudas.
Para iso, os equipos directivos que deban axudar ás familias nesta tramitación terán que solicitar -por vía telefónica 986352859 e/ou correo electrónico- ceip.mallon@edu.xunta.gal os seguintes datos:
a) DNI ou NIE da persoa representante legal do alumnado (titor/a)
b) Condicións de beneficiarios de comedor nas bases de datos da Consellería
c) Nome e apelidos do titor/a; nome, apelidos e curso dos fillos/fillas
d) Número de conta bancaria no que se quere recibir o aboamento da axuda.
TEXTO COMPLETO E ACCESO Á ORDE NO DOG
Axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19.
Orde do 27 de marzo de 2020 pola que se establecen as bases reguladoras das axudas de carácter directo ás familias do alumnado beneficiario de bolsas de comedor escolar nos centros públicos non universitarios xestionados por esta consellería durante a situación de suspensión do servizo de comedor como consecuencia do COVID-19, co levantamento dos prazos de suspensión do procedemento (código de procedemento ED601B).
Tendo en conta a especial vulnerabilidade do colectivo beneficiario e a inmediatez con que debe de ser atendido, establécese un prazo especial de presentación de solicitudes para atender o pagamento das compensacións que comezará o día seguinte ao da súa publicación no Diario Oficial de Galicia e rematará o 6 de abril, ambos os dous incluídos.
Orde do 27 de marzo de 2020 (DOG)