O luns 25 de novembro conmemoramos o Día Internacional contra a Violencia de Xénero e como colofón ao traballo realizado dende todas as aulas nos días previos, xuntámonos no ximnasio para escoitar aos representantes do alumnado de cada clase, visionamos o videoclip no que os nosos nenos e nenas son os protagonista e unha vez máis cantamos e signamos "La puerta violeta" de Rozalén porque dende o CEIP Josefa Alonso temos tolerancia cero coa violencia de xénero.

Por último queremos agradecer a todas as titoras a súa colaboración, á mestra Iria pola montaxe do videoclip e como non, a todo o alumnado polo seu traballo. 

Ben feito equipo!

Onte conmemoramos o Día Internacional das Personas con Discapacidade lendo o conto de Wonder e realizando un mural cooperativo no que plasmamos o motivo polo que cada un de nós é único.

Animámosvos a que vos paredes a botarlle unha ollada na entrada do centro. 

Por segundo ano consecutivo, no CEIP Josefa Alonso, gozamos dun Magosto na compañía dos avós e avoas do noso alumnado e dende o claustro, queremos agradecer a colaboración aos nosos maiores, ao grupo "Sete Cuncas" por amenizar o evento e Lisardo e a mestra Ana por asar as catañas para todos e todas. 

O pasado 30 de outubro visitounos Desirée Vila e contoulles a súa historia persoal de esforzo e superación aos grupos de 5º e 6º de E.P.

Estaremos moi pendentes da súa partivipación nos xogos paralímpicos.

Moitísima sorte!

Aquí tedes un pequeno resumo da festa do Samain que celebramos na escola este ano. Agardamos que o desfrutedes e non pasedes moito medo.

Neste curso escolar estamos levando a cabo no centro un Programa afectivo-sexual, grazas ao proxecto presentado pola ANPA e que foi seleccionado pola Secretaría Xeral de Igualdade da Xunta de Galicia e o Ministerio da Presidencia, Relacións coas Cortes e Igualdade do Goberno de España.

Con este video amosámosvos un anaco dos obradoiros que estanse facendo nas aulas e da primeira xornada, das catro programadas, da Escola de Familias, impartidas por Hadriana Ordóñez.

Esperámosvos para a seguintes!

Despois dun gran esforzo hai unha gran recompensa!!! Nesta xornada tivemos unha receita moi especial; cociñamos pan e degustámolo cos tomates e allos da horta que plantáramos no curso anterior.

Estaba de rechupete!!!!

Atentos e atentas! Alguén moi especial deixounos unha mensaxe para iniciar este novo curso... Estades preparados para saber quen é? 

Pois abride ben ollos e orellas e dádelle ao play...

Feliz inicio de curso!!!