CEIP Josefa Alonso de Alonso

O pasado venres 19 de maio tivo lugar o noso bocata solidario. Este ano a recadación foi para colaborar coa Asociación AMEDIS, que se encaraga de mellorar a aprendizaxe e a autonomía persoal e social das persoas con discapacidade intelectual ou outros trastornos do desenvolvemento. Foi un pracer contar con eles nun día tan especial. Agradecemos a colaboración de toda a comunidade escolar, sen todos vós isto non sería posible.

Total recadado: 1274 €

Gastos: 524 €

Doazón a AMEDIS 750 €

A semana do 15 ao 19 de maio foi un non parar de actividades xa que celebramos a nosa semana cultural.

Comezamos a semana conmemorando as nosas Letras Galegas e para iso contamos co mestre e escritor Anxo Rajó que viu falar do autor homenaxeado neste 17 de maio de 2023, Francisco Fernández del Riego. Que sorte temos de que Anxo saiba tantas cousas del e as aprendamos dun xeito máis entretido e lúdico.

O martes pasámolo en grande coa celebración da primeira edición do "Temos talento". Concurso de talentos organizado polo alumnado de sexto que tivo un gran éxito! Cantos talentos tiñamos no cole agochados!!!

Continuamos o xoves cunha magnífica obra de teatro representada polos alumnos e alumnas de 5º de primaria. Pedazo de actores e actrices que temos no cole! Ademais ese mesmo día contamos coa presenza da Banda de Música de Matamá que nos ensinou os seus instrumentos e deleitounos cunhas cantas pezas. Por se fora pouco déronnos unha sorpresa xa que entre os nenos e nenas do noso cole tamén contamos con grandes músicos!!

O venres visitáronnos os nosos amigos do club de montaña Peña Trevinca cunha chea de aparellos ás costas e un montón de anécdotas que nos deixaron coas ganas de ir á montaña!

Para rematar a semana non podía faltar a visita dos nosos amigos da Asociación AMEDIS. Toda a comunidade educativa tivemos a sorte de ver e escoitar como levan a cabo un magnífico traballo. Por suposto queríamos contar con eles neste día no que tamén celebramos o noso bocadillo solidario para recadar fondos para esta Asociación. Queremos agradecer a colaboración de todos xa que a xornada foi todo un éxito e sen todos e cada un de vós non sería posible.

Todo isto o podedes ver nos seguintes vídeos, non volos perdades!!!

Os nenos e nenas de terceiro estaban preocupados polo coidado do noso barrio, por iso despois de deseñar uns carteis moi chulos para a nosa campaña de reciclaxe decidiron poñerse as luvas e colaborar na limpeza da contorna. Con isto esperan concienciar á xente que non coida Matamá.

MATAMÁ LIMPA, MATAMÁ VIVA!

Normativa de referencia: Resolución de 20/04/2023, de la Secretaría de Estado de Educación, por la que se convocan ayudas para alumnado con necesidad específica de apoyo educativo para el curso académico 2023-24

- As familias cubrirán exclusivamente as solicitudes vía web a través da sede electrónica do Ministerio de Educación.

- As familias presentarán a solicitude no centro dende o 8 de maio ata o 20 de setembro inclusive.

- Este curso hai unha novidade importante: todas as familias, independente do nivel de renda, poderán solicitar o subsidio para gastos adicionais de carácter xeral derivados da escolarización de o alumnado con necesidade específica de apoio educativo, que ten unha cantidade fixa de 400 €, que poderá ser percibido por todos os solicitantes e que será compatible co resto de axudas e subsidios regulados na convocatoria.

- Os solicitantes deben cumprir algún dos seguintes requisitos:

1. Discapacidade: acreditada cun certificado igual ou superior ao 33%.
2. TDAH (Trastorno por Déficit de Atención e Hiperactividade) asociado a trastorno grave de conduta ou a discapacidade.
3. TEA (Trastorno do Espectro Autista) que requira apoios ou atencións educativas específicas: é necesario aportar certificado médico expedido polos servizos de saúde sostidos con fondos públicos.
4. Alumnado con trastorno grave da comunicación e da linguaxe asociado a necesidades educativas especiais.
5. Alumnado con Trastorno grave de conduta asociado a necesidades educativas especiais.
6. Altas capacidades: acreditado mediante avaliación psicopedagóxica do Departamento de Orientación do centro  ou do Equipo de Orientación Específica.

- Segundo as instrución do servizo de Inspección educativa NON teñen dereito a bolsa: dislexia, discalculia e dificultades na expresión escrita.

Segundo o disposto no calendario de admisión de novo alumnado para o curso 2023/2024, xa está á vosa disposición a listaxe definitiva do novo alumnado admitido no taboleiro interior do centro, cumprindo a normativa de protección de datos.

Todo o alumnado que presentou solicitude adxudicóuselle praza na listaxe definitiva.

As persoas que fixeran a solicitude vía electrónica, poden ver a resolución a través da mesma.

O período establecido por normativa para a formalización da matrícula é do 20 ao 30 de xuño.

O alumnado de 5º EP tivo unha visita moi especial, a escritora Fina Casalderrey. Con ela puideron compartir a lectura do seu libro "O xenio da cidade do sal". Entusiasmados coa visita, xa teñen ganas de máis!!!!

Andy Warhol ensinounos moito sobre o tratamento da cor e o Pop art. Cos nosos rostros fixemos unha composición ao seu xeito que parece obra duns grandes artistas!!!

"El sueño de Van Gogh" é un libro artístico que está na nosa biblioteca e co que fixemos uns cadros fermosísimos imitando os xirasois deste famoso pintor.

Que ben o pasamos o día dos Maios!!!

Este ano para cambiar un pouco, en vez de facer o tradicional Maio decidimos facer entre todos unha alfombra floral. Grazas á colaboración das familias traendo unha chea de flores e area, todos os nenos do cole colaboraron e fixeron xuntos a preciosa alfombra que podedes ver no vídeo.

Ademais Raquel, a mestra de música, creou para todos nós unhas coplas especiais, modificando a letra orixinal para que foran cantadas polos nenos de Matamá. Esperamos que vos guste tanto como a nós!