Dende Kalandraka TV compartiron este fermoso vídeo para conmemorar o 100 aniversario de Gianni Rodari. Podedes velo no blog de Leonarda. |
|||
|
|||
O inicio das clases presenciais deste curso sera escalonada seguindo a Resolución do 1 de setembro de 2020 da Dirección Xeral de Educación, Formación Profesional e Innovación Educativa pola que se establece a incorporación gradual do alumnado para o curso 2020/21:Día 10 de setembro, xoves: Alumnado de 4º e 5º de E. Infantil e 1º, 2º e 3º de EP.Día 11 de setembro, venres: Alumnado de 6º de E. Infantil e 4º, 5º e 6º de E. Primaria.
|
|||
|
|||
A cuarentena polo COVID-19 trastocou moitos plans. Fixo que nos désemos conta da importancia de cousas que non valoramos habitualmente como a saúde ou o tempo para nós; pero tamén do imprescindible que é o poder abrazar, bicar, sentir, estar cos nosos seres queridos. No Josefa Alonso non nos cabía na cabeza que o noso alumnado de 6º EP marchase para o instituto sen facer algo especial. Non podía ser a típica graduación a que estamos acostumados (que queda pendente para setembro) así que a mestra Alma puxo en marcha a este EQUIPO que formamos xunt@s. Todo empezou cunha carta que chegou aos buzóns dos nenos e das nenas. Unha carta con todo o cariño d@s seus mestr@s que podedes ler aquí:
O xoves 25 de xuño, Alma quedou co seu grupo para despedirse. O que non sabían era o que lles tiñamos preparado.
A artista que temos coma mestra de música, Raquel, púxolle letra e música a todas as emocións e sentimentos que non se poden expresar só con palabras. -En breve poderedes ver o vídeo- Como xa dixemos foron moitas cousas as que quedaron pendentes. Unha delas, a entrega do diñeiro recaudado para DISCAMINO coa nosa MERENDA SOLIDARIA.
Aínda que, se a situación o permite, visitarán o noso centro o vindeiro curso, este grupo marcha para o instituto. Por iso, puxémonos en contacto coa Asociación para poder darlles a sorpresa de que os coñecesen e así puidesen ser partícipes da entrega simbólica do cheque cos cartos da doazón.
Neste enlace podedes ler o que sentiron el@s: https://m.facebook.com/story.php?story_fbid=10222732349967975&id=1551220066
Por último, deixámosvos unhas fotos deles, dos e das protagonistas. Foi unha graduación atípica, coma este curso, sen bicos, sen abrazos (por moito que nolos pedira o corpo) pero sen dúbida, inesquecible. -En breve poderedes ver o vídeo- Derek, Lucas, Roi, Valeria, Carla, Icía, Vitor e Noel… Carmen, Blas, Ainhoa e Anxo, Raúl, Dani, Yanira e Manuel… Sodes parte deste cole, levarémosvos no corazón. Só nos queda desexarvos sorte, que vos pase de todo o mellor!
|
|||
O alumnado de 5ºEP durante este confinamento traballou a noticia periodística. Aquí podedes ver o resultado!! E non esquezades descargar o documento adxunto... así o poderedes consultar con calma!!
|
|||
|
|||
|
|||
ATENCIÓN, ATENCIÓN!! Búscanse alumnos e alumnas dispostos a participar nos Retos da Semana Cultural do 2020 para así convertir os seus balcóns e fiestras nos máis bonitos de todo Matamá! CLICA EN "EMPEZAR"!! |
|||
Leonarda ten o pracer de convidarvos a participar no blog para conmemorar o día do libro. Propoñémosvos algunhas ideas:
A partir dun libro que vos guste moito, podedes facer 5 viñetas a modo de resumo da historia e enviarnos unha foto das viñetas ao correo leonardamatama@gmail.com
Tamén podedes gravarvos contando un conto, estaremos encantados e encantadas de compartilo e gozar das vosas historias.
Deixámosvos no blog da biblioteca unha manualidade chulísima para crear as vosas propias historias.
Tedes traballo, animádevos!!!!!!
|
|||
- « primeira
- ‹ anterior
- …
- 14
- 15
- 16
- 17
- 18
- 19
- 20
- 21
- 22
- …
- seguinte ›
- última »