Aquí tedes todas as novidades que o equipo de biblioteca organizou para os nenos e nenas do Ceip Josefa Alonso. Poden gozar dunha parede lego, recuncho sensorial, zona de lectura, recuncho de manualidades, recuncho TIC e amplas mesas de traballo!!!!!

Este sábado na biblioteca Juan Compañel podedes gozar duns contos fermosos co autor do libro "O país da choiva". Os nenos e nenas do club de lectura coñéceno moi ben. Non dubidedes en apuntarvos e coñecer estes contiños!!!!!

Este venres, ás 18:00 podedes acudir ao contacontos "Os nosos mares" de xeito gratuíto en "Libros para soñar" na Rúa Triunfo 1.

O día 23 de febreiro podedes coñecer á autora de "A Señorita Bubble" na libraría "Libros para soñar" onde presenta o seu último libro.

O equipo de biblioteca en colaboración coa aula de 4º EP elaboraron este mapa de Galicia cos personaxes típicos do noso Entorido. Podedes localizar aos Merdeiros, ás Pantallas, aos Peliqueiros, aos Cigarróns...

Na biblioteca tivemos a sorte de contar cun obradoiro moi interesante de papiroflexia dinamizado por Lucas e Anxo. Fixeron unhas cometas que de seguida botaron a voar no patio!!!!

O alumnado de 4º EP estivo a traballar a poesía cuns libros moi chulos que atoparon na biblioteca do cole. Animámosvos a lelos e a que vexades o ben que as recitan!!!

Trasnos de 5º EP e trasnos de 4º e 6º EP xa recibiron a correspondencia dunha carteira moi especial, Josefina. Estas cartas están cheas de historias que de seguro compartiremos cunha boa merenda na seguinte reunión do club de lectura. "Alma de elefante" e "O carteiro de Bagdad", son os libros cos que están a gozar agora mesmo trasnos e trasniños da biblioteca.
Agárdovos na seguinte reunión!!!!! GOZADE DA LECTURA!!!!

"Alma de elefante" foi un libro que aos trasnos de 5º EP lles encantou. Recoméndano sen lugar a dúbidas!!!! A historia de 2 irmáns que viven nun remoto lugar de Asia, na defensa dun elefante. Alma de elefante e alma de bolboreta mestúranse para lograr o propósito.

Podedes collelo na biblio e gozar coma eles e elas desta marabillosa lectura!!!

O alumnado de 4º EP e 6º EP compartiu un rato agradable de lectura co libro "En el corazón del bosque" de Agustín Fernández Paz. Apuntaron moitas frases interesantes que compartiron co resto de trasnos e trasniños. Elba fixo unha merenda moi moi saborosa!!! Aanimámosvos a que leades este libro tan chulo que temos na biblioteca, e de paso, a que visitedes as Fragas do Eume. Esta historia está ambientada nas fermosas paisaxes das Fragas do Eume.