Sirvan estes versos como presentación da poeta, narradora e autora teatral, Marica Campo nacida en terras do Incio (Lugo) que nos acompañou hoxe, 16 de maio, invitada polo Equipo de Dinamización Lingüística e no que conmemoramos o DÍA DAS LETRAS GALEGAS, adicado este ano a VALENTÍN PAZ ANDRADE.
En primeiro lugar visitou a aula de Infantil de 4 anos B, onde, na súa aula, figura o cadro co retrato da autora galega correspondente ao traballo de Aulas Galegas levado a cabo no centro.Os máis pequenos disfrutaron dun conto narrado pola autora.
A expectación que causou a visita desta insigne escritora non defraudou aos nenos e nenas de sexto que tiveron ocasión de charlar sobre o por que da celebración do Día das Letras, de coñecer a súa obra e a contribución ao desenvolvemento das nosas Letras.
O venres, día 11 de maio, o alumnado do segundo e terceiro ciclo de primaria, e dentro das actividades programadas para a Semana das Letras Galegas, poideron disfrutar dun contacontos excepcional: Santiago Jaureguízar, escritor ribadense de ampla traxectoria nas Letras Galegas. Aos noso/as alumnos/as foilles amosando, de xeito ameno, como se fai un conto partindo de algo que todos temos dentro: A IMAXINACIÓN.
Dentro das actividades programadas polo equipo de Dinamización Lingüística na conmemoración da Semana das Letras Galegas contamos coa actuación do Mago Cali no colexio para o alumnado de Infantil e os dous primeiros ciclos de Primaria.
O espectáculo foi moi entretido e máxico. Os nenos e nenas divertíronse moito co humor surrealista do mago e sorprendéronse coa súa maxia.