Skip to Content

CHARLA DE NUTRICIÓN - HÁBITOS SAUDABLES.

Xov, 25/05/2023 - 21:28 — biblioteca

Hoxe o alumnado de Educación Primaria recibiu na biblioteca unha charla a cargo de Leticia, sobre Nutrición e Hábitos Saudables, organizada pola FAPACEL e solicitada pola ANPA para o noso centro.

AXUDA PARA MATERIAL ESCOLAR E FONDO DE LIBROS

Mér, 24/05/2023 - 11:07 — fondonois

ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/2024 (código de procedemento ED330B).

 

• A quen vai dirixida?

- Fondo solidario de libros de texto a 3º, 4º, 5º e 6º de educación primaria. (O alumnado que curse 5º e 6º de educación primaria no curso 2023/24 estará inmerso no proxecto educación dixital (E-DIXGAL) e, polo tanto, está excluído da participación no fondo solidario de libros de texto)

- Axudas para adquirir libros de texto a 1º e 2º de educación primaria.

- Axudas para adquirir material escolar destinadas ao alumnado matriculado en educación primaria.

 

• Cal é o prazo para presentar as solicitudes?

Dende o 22 de maio ata o 21 de xuño, ambos incluídos.

 

• Onde se presentan as solicitudes?

Poderanse presentar as solicitudes presencialmente no centro. A solicitude será única para todos os fillos ou fillas.

Por vía electrónica no formulario normalizado (anexo I e II) dispoñible na aplicación informática Fondolibros (https://www.edu.xunta.es/fondolibros), a través da sede electrónica da Xunta de Galicia: https://sede.xunta.gal. Neste caso, será necesario a presentación dunha solicitude por alumno ou alumna.

ADMISIÓN CURSO 2022-23.

Mar, 23/05/2023 - 19:44 — fondonois

MARIÑA AMBIENTAL 9 MAIO

Dom, 14/05/2023 - 22:09 — fondonois

 

O pasado martes, 9 de maio, o alumnado de 4º, 5º e 6º de EP participaron nunha actividade do programa Mariña Ambiental (da UDC). A actividade consistiu en realizar unha saída a pé, dende o colexio ata Riosmar, na desembocabura do río Alemparte. Despois de recibir as indicacións oportunas, realizaron unha recollida de lixo na mesma praia. Logo, clasificaron os resíduos e leváronos aos colectores correspondentes. Resultou ser unha actividade moi interesante, na que o propio alumnado quedou asombrado da cantidade de lixo que atoparon.

Podedes ver as fotos premendo na imaxe.

 

CONCERTO DE CÉ ORQUESTRA PANTASMA.

Sáb, 13/05/2023 - 20:29 — fondonois

O pasado xoves, 11 de maio, dentro do noso proxecto en conmemoración do Día das Letras Galegas, tivemos a animada visita de César Freiria, máis coñecido coma Cé Orquestra Pantasma, que nos fixo cantar e bailar sen parar. Ademais tróuxonos un montón de xogos e xoguetes tradicionais e así gozar dun tempo todos xuntos. Foi moi divertido!

LETRAS GALEGAS 2023. FRANCISCO FERNÁNDEZ DEL RIEGO.

Mar, 09/05/2023 - 22:39 — biblioteca

A Real Academia Galega adícalle a Francisco Fernández del Riego (Vilanova de Lourenzá, 1913 - Vigo, 2010) o Día das Letras Galegas 2023.

Dende a biblioteca deixámosvos varios enlaces con información da súa vida e obra.

 

Excursión en O Grove. Día 1.

Xov, 04/05/2023 - 13:08 — fondonois

O alumnado de 5° e 6° de Primaria, estamos disfrutando duns días en O Grove. Aquí vos deixamos unhas fotos do ben que o estamos a pasar!

E se chove, que chova!

http://www.edu.xunta.gal/centros/ceipfondonois/galeria/thumbnails.php?al...

PROGRAMA "TAS OU NON TAS". Capítulo 9.

Dom, 30/04/2023 - 16:01 — biblioteca

O noso alumnado déixavos un novo capítulo do Programa "TAS OU NON TAS", onde nos fala das piñas dos piñeiros, máis coñecida na nosa zona por CAROCAS.

Coma sempre, quedou xenial! Parabéns!

MARIÑA AMBIENTAL.

Mar, 25/04/2023 - 23:50 — fondonois

O pasado venres, presentaron no noso cole a segunda edición do programa Mariña Ambiental, actividade organizada pola Universidade da Coruña (UDC), no marco do Proxecto Educando para a Sustentabilidade e patrocinada pola Fundación Alcoa.

Ademáis, realizáronse diferentes actividades relacionadas coa xestión dos residuos seguindo os principios de prevención, recollida separada, compostaxe e reciclaxe, entre elas: cálculo da pegada ecolóxica da xeración de residuos, Eco-auditoría de residuos (cantidades, composición e recollida separada) e limpezas da Praia dos Xuncos.

AO AIRE LIBRO 2023

Mar, 25/04/2023 - 19:11 — biblioteca

O luns 24 de abril conmemoramos no noso colexio o Día do Libro, realizando a III Edición da actividade ´AO AIRE LIBRO´. 

Para ver as fotos, preme na imaxe.

Subscribirse a este contido


by Dr. Radut