Publícase a Programación Xeral Anual para o curso 2023-24 trala súa aprobación nos Claustro e Consello Escolar celebrados o pasado martes 3 de outubro de 2023.

Achégase o horario de atención ao público do equipo directivo para o curso 2023/2024. Por motivos de organización, pregamos concerten cita previa para que poidan ser atendidos correctamente.

O vindeiro martes 19 de setembro de 2023 terán lugar as reunións de comezo de curso dos diferentes niveis/ciclos do centro. Os horarios das mesmas son os seguintes (ver a circular ao completo no adxunto):

Están dispoñibles as listaxes de material para o curso 2023/2024 dos diferentes cursos.

O noso centro forma parte do Proxecto Edixgal nos cursos de 5º e 6º de Ed. Primaria. Por iso, o alumnado e profesorado traballan con ferramentas dixitais e coa plataforma EVA, unha Aula Virtual na que se recollen os materiais didácticos dispoñibles para o traballo en cada momento das aulas. Cada alumno/a terá á súa disposición un ordenador ultraportátil que poderá empregar tanto dentro como fóra da aula previa sinatura dunha cesión de uso. Ante dúbidas que xorden especialmente neste último punto, achégase información sobre este proxecto e o uso destas ferramentas no adxunto.

Trala publicación das listaxes definitivas de admisión de alumnado na que todo aquel que solicitou praza no centro dentro do período ordinario foi admitido para o vindeiro curso 2023/2024, infórmase que o prazo para a formalización da matrícula será do 20 ao 30 de xuño de 2023. Lémbrase que é recomendable solicitar cita previa para este trámite.

 As familias deberán achegar a seguinte documentación no momento de formalización de matrícula:

• Anexo III formalización de matrícula
• Impreso Formalización matrícula no centro.
• Uso de imaxe
• Autorización para valoración, de ser o caso, polo Departamento de Orientación.
• Certificado médico de non padecer ningunha enfermidade infecto contaxiosa
•  Copia da tarxeta sanitaria do/a alumno/a.
•  Copia do boletín de vacinas (de ser o caso).
• 2 fotos tamaño carné

Para calquera dúbida, poderanse poñer en contacto co centro a través do teléfono 886 151 171 / 886 151 172 ou no correo electrónico ceip.castrelo@edu.xunta.gal

LISTA DE LIBROS PARA O CURSO 2023/2024

(modifícanse só os libros de 2º e 4º curso)

EDUCACIÓN PRIMARIA____________________________________________

1º PRIMARIA

•   1 PRI C. DA NATUREZA GAL.  CONSTRUÍNDO MUNDOS (Editorial Santillana) ISBN: 978-84-9185-411-1
•   1 PRI C. SOCIAIS GAL. CONSTRUÍNDO MUNDOS (Editorial Santillana) ISBN: 978-84-9185-414-2 

2º PRIMARIA

•  2 PRI C. DA NATUREZA GAL. CONSTRUÍNDO MUNDOS (Editorial Santillana) ISBN: 978-84-9185-694-8
•  2 PRI C. SOCIAIS GAL. CONSTRUÍNDO MUNDOS (Editorial Santillana)  ISBN: 978-84-9185-696-2

FONDO DE LIBROS________________________________________________

  3º PRIMARIA

•   3 PRI CIENCIAS DA NATUREZA - CONSTRUÍNDO MUNDOS (Editorial Santillana) ISBN: 978-84-9185-410-4
•   3 PRI CIENCIAS SOCIAIS – CONSTRUÍNDO MUNDOS (Editorial Santillana) ISBN 978-84-9185-416-6

4º PRIMARIA

•   4 PRI CIENCIAS DA NATUREZA - CONSTRUÍNDO MUNDOS (Editorial Santillana) ISBN:978-84-9185-692-4 
•   4 PRI CIENCIAS SOCIAIS – CONSTRUÍNDO MUNDOS (Editorial Santillana) ISBN 978-84-9185-698-6

En 5º PRIMARIA e 6º de PRIMARIA terán libro dixital (Abalar - Edixgal)

Ábrese o prazo para inscribirse na ludoteca de verán. Nos carteis adxuntos pódense consultar os prezos, actividades, teléfonos de contacto para a inscrición... 

De antemán, grazas por participar!!!

Dende o Concello de Cambados achégase a información sobre o Plan Madruga, "Os/as primeiros/as da clase", de cara o vindeiro curso 2022/2023. O prazo de presentación das solicitudes xa se atopa aberto sendo a data límite de entrega de solicitudes o venres 16 de xuño. Deberase formalizar o proceso na Biblioteca Municipal "Luis Rei" en horario de luns a venres de 15:30 a 19:30 h con cita previa. No adxunto está á disposición toda a información sobre este servizo (horarios, prezos, lugar de entrega, solicitude, documentación a achegar...).

Infórmase que xa está a disposición no taboleiro interior do centro, a listaxe provisional de alumnado admitido para o vindeiro curso 2023/2024. Seguindo a Lei de Protección de Datos, estas listaxes non poderán ser publicadas na web do centro. Non obstante, sinalar que todo o alumnado que solicitou praza nos diferentes niveis, está admitido/a. Tamén poderán consultar esta listaxe accedendo á sede electrónica a través dos diferentes medios de identificación válidos para a mesma (certificado dixital, DNI electrónico ou similar) No vindeiro mes de maio, procederase á publicación das listaxes definitivas. Tras esta informarase do prazo de formalización de matrícula (finais do mes de xuño).

No caso de existir algunha familia interesada na presentación de admisión, lémbrase que pode realizarse igualmente este trámite sendo acollido como fóra de prazo.