25N - DÍA INTERNACIONAL CONTRA A VIOLENCIA DE XÉNERO

Hoxe comenzamos a celebrar no centro o Día Contra a Violencia de Xénero. Velaquí as primeiras imaxes das mostras de repulsa do alumnado cara este tipo de violencia!

 

 

SABOREANDO LIBROS

Queridos alumnos e alumnas:

A partir de mañá, invitámosvos a saborear as novidades da Biblioteca na mesa que temos na entrada da mesma.

Podedes tocalos, miralos, cheiralos, lelos pero teredes que deixalos de novo no prato para que todos e todas poidamos seguir saboreándoos.

                                                    

                                                      Bo proveito!!!

 

                                       O Equipo de Dinamización da Biblioteca

DÍAS NON LECTIVOS

Estimadas familias

Segundo o artigo 8.3 da orde do 20 de xuño de 2019 pola que se aproba o calendario escolar para o curso 2019/20 nos centros docentes sostidos con fondos públicos na Comunidade Autónoma de Galicia, co fin de unificar a celebración dos patróns de cada nivel educativo, establécese o Día do Ensino coa consideración de non lectivo para efectos académicos para este curso 2019/20 o 31 de outubro de 2019, permanecendo, polo tanto, o centro pechado vindeiro o xoves día 31 de outubro.

Un saúdo

                                 Soledad Couto Domínguez

                                               Directora

CELEBRACIÓN DO SAMAÍN

CELEBRACIÓN SAMAÍN

Estimadas familias:

Co obxectivo de celebrar esta festa de tradición popular galega, propoñemos para a vindeira semana diferentes actividades.

O luns día 28 de outubro todo o alumnado que o desexe poderá traer unha cabaza (co nome do alumno/a e o curso ao que pertence) para formar parte da decoración de Samaín do noso centro. Decorar as cabazas poderá ser unha entretida actividade para realizar en familia, dando lugar á creatividade dos maiores e sobre todo dos máis pequenos.

Debedes ter en conta que será o alumnado quen transporte a cabaza dende o patio cuberto polo que acceden á mañá ata o primeiro andar, polo que as cabazas deberán ter un tamaño e peso axeitados á idade do alumnado.

O martes día 29 pola tarde o centro estará aberto de 16:00h a 18:00 h para que as familias que queirades poidades visitar a exposición de cabazas de Samaín.

O mércores 30 de outubro o alumnado poderá vir disfrazado e caracterizado coa temática, pero deben traer material escolar como un día habitual.

O mesmo día 30 o alumnado de Educación Infantil realizará un taller de cociña de Samaín e o alumnado de Educación Primaria unha merenda conxunta por nivel. Rogamos a vosa colaboración para que as merendas conxuntas se poidan levar a cabo en cada aula, aportando cada un o que poidades (merendas saudables preferentemente, aínda que tamén se aceptan doces típicos da época, etc.).

Na última hora do día 30, todo o alumnado pasará a recoller a súa cabaza da exposición acompañados polo profesorado correspondente para levala de novo a casa, xa que o xoves día 31 de outubro e o venres 1 de novembro non hai clase. Por ese motivo incidimos de novo na necesidade de que o tamaño das cabazas sexa axeitado para o alumnado.

Moitas grazas pola vosa colaboración.

 

O Equipo de Actividades Complementarias

 

BIBLIOTECA DE FAMILIAS

                                                           BIBLIOTECA DE FAMILIAS       

                                                                                           

Estimadas familias:

Apagade a televisión, gardade os móbiles, xa está en marcha a Biblioteca de familias do Ceip Chano Piñeiro!

Os libros de préstamo para as familias están á vosa disposición nun expositor na entrada do centro.

Podedes retirar os libros que vos interesen cubrindo a ficha de préstamo (prestaranse como máximo 3 libros de cada vez), ficha que debe meterse na caixa de correos. O prazo para a súa devolución é de 15 días, que se poden ampliar enchendo outra ficha.

Temos diversidade de libros, que iremos variando cada certo tempo: libros educativos, novelas e libros para ler xunto cos vosos fillos e fillas.

Podedes atopar libros sobre:

● a alimentación

● a hixiene

● a educación sexual

● conflitos familiares

● dificultades de aprendizaxe

● xogos, etc.

A novidade deste curso serán as novelas.

Entre elas atoparás :

- El niño con el pijama de rayas (John Boyne)

- Misión Olvido (María Dueñas)

- El corazón helado (Almudena Grande)

- Que me queres, amor? (Manuel Rivas),

- O club da calceta (María Reimóndez) e moitas máis!!!

Podedes facer suxestións sobre a compra de novos materiais.

 

Esperamos que esta BIBLIOTECA DE FAMILIAS sexa do voso agrado! 

ACTIVIDADE EXTRAESCOLAR BRIGHT MINDS

Estimadas familias:

A ANPA Pousa de Fontán comunica que a actividade extraescolar BRIGHT MINDS: INTELIXENCIAS MÚLTIPLES ofertada para educación infantil, finalmente obtivo o número de alumnado necesario para a súa realización.  Polo tanto, comezará este venres en horario de 16:00 a 17:00 horas. 

Se algunha familia está interesada en incorporar ao seu fillo ou filla a esta actividade debe contactar coa ANPA.

 

CONCIENCIACIÓN DO COIDADO DO NOSO PLANETA

Hoxe, venres 27 de setembro,celébrase o día de concienciación pola defensa do noso planeta.

Dende o Chano, unímonos á celebración desta data levando a cabo unha merenda conxunta con todo o alumnado no patio cuberto e facendo un reconto do lixo que xeramos.  

Ao finalizar de merendar  analizamos  a cantidade de papel ( escaso), lixo orgánico ( principalmente restos de froita e froitos secos) e  plásticos.

Xa dende as aulas fixemos fincapé na importancia de reducir o uso dos envases plásticos. 

IMPORTANTE:  Non comentamos esta actividade ao alumnado con anterioridade para non influír na cantidade de plástico que traían nas merendas.

ESTAMOS MOI CONTENTOS E CONTENTAS PORQUE O ALUMNADO TRAE TAPER E  ESTANSE DANDO CONTA DE QUE CONTRIBÚEN A MELLORAR O MEDIOAMBIENTE.

                          Planeta Tierra - GIFMANIA             

                       MOITAS GRAZAS POR COIDARME!!!

ACTIVIDADES EXTRAESCOLARES

ACTIVIDADES EXTRAESCOLARES

Estimadas familias, informamos que as actividades que lograron ter un cupo suficiente para porse en marcha dende a nosa ANPA, son as seguintes:

 Luns de 16:00 a 17:30 Art Atack

 Luns de 16:00 a 17:30 Inglés

 Venres de 16:00 a 17:00 Robótica

 A actividade de Bright Minds continúa en oferta para infantil, se consigue que se anote algún neno ou nena máis, porase en marcha en breve porque só precisamos un par de participantes.Sería o venres de 16:00 a 17:00.

As actividades comezarán a partires do 1 de Outubro.

A empresa encargada de cada extraescolar entregará toda a información as familias o primeiro día da clase e será a encargada da xestión e cobro da actividade. Art atack e Inglés farase cargo a empresa Extraeducare. Robótica será impartida por Exodega Gestión. Dende a Anpa imos solicitar na asamblea a posibilidade de subvencionar 2€ en cada unha das extraescolares. Si queda aprobado, a empresa encargada dos cobros será informada. 

REUNIÓNS INFORMATIVAS COMEZO DO CURSO

REUNIÓNS INFORMATIVAS DO COMEZO  DE CURSO

24 DE SETEMBRO

GRUPO HORA AULA
EDUCACIÓN INFANTIL 16:45 COMEDOR DO CENTRO
1º PRIMARIA 17:30 1ºB
2º PRIMARIA 16:00 2ºB
3ºPRIMARIA 17:00 3ºB
4º PRIMARIA 15:30 4ºB
 5º DE PRIMARIA 18:00 5ºB
6º DE PRIMARIA 18:30 6ºB

CONVOCATORIA BECAS ALUMNADO NEAE 19-20

INFORMAMOS DA CONVOCARIA DE BECAS `PARA O CURSO 2019/20 PARA O ALUMNADO CON NECESIDADES EDUCATIVAS. 

Aquelas familias que estean interesadas en solicitar a beca deberán poñerse en contacto coa orientadora do centro.

 

CONSULTAR CONVOCATORIA

 

REMATA O PRAZO DE SOLICITUDE O 26 DE SETEMBRO.