Ceip Plurilingüe Chano Piñeiro

O Concello de Gondomar abre o prazo de solicitudes para o campamento de verán “Gondoverán” que se desenvolverá durante o mes de xullo.

O prazo de solicitudes establecese dende o 26 de abril ata o 9 de maio. ATOPAREDES  TODA A INFORMACIÓN, IMPRESOS E BASES NO SEGUINTE ENLACE.

Esta semana conmemoramos o día do libro. A  autora nigranesa María Pájaro veu ao centro a contar ao alumnado de 5º e 6º a súa experiencia como escritora. Acaba de presentar o seu primeiro libro "Quen é a nena?" 

É un libro de carácter biográfico que demostra que todos somos iguais independentemente da lingua, que ten que ser falada para evitar a súa desaparición. Da clase social que, por desgraza, non determina o valor persoal de cada quen. O libro trata da riqueza cultural dos nosos refráns e do valor de achegárnos ás persoas que realmente nos queren.

Tamén lle fixo un xogo con preguntas sobre o libro.

Moitas grazas pola súa colaboración.

"Só a lembranza de onde veño me axuda a saber cara onde vou"

Estimadas familias, como ben sabedes este ano temos o PROXECTO  ANUAL DO CINE e co gallo da  SEMANA DAS ARTES ( do 8 ao 12 de abril) recibimos a visita de Javier Casellas. Actor de Gondomar que participou na película LIVE IS LIFE. Película que se rodou parte en Galicia. Javier é  Garriga na película, un dos rapaces protagonistas da historia.

Hoxe veu ao centro a contarnos a súa experiencia como actor e a satirfacer  as curiosidades do alumnado de 4º, 5º e 6º de primaria.

 TODAS E TODOS CONTAMOS

Xornada escolar inclusiva con actividades para a arte e a creatividade, impartidas por persoas con diversidade funcional.

Nun contexto onde a superación das desigualdades sociais é xustamente a base en que se fundamenta a articulación da economía social, desde Afundación lanza este programa presencial para todos os centros de Galicia co que, a través de diferentes actividades culturais, o alumnado participe do valor da diversidade.

Esforzo, empatía, aceptación do diferente, reforzo da autoestima ou o respecto son algunhas das ensinanzas presentes na actividade, impartida por persoas con diversidade funcional, mediante as que podemos mellorar a sensibilidade afectiva e emocional, favorecer unha sociedade equitativa, xusta e diversa e facilitar o establecemento de relacións interpersoais.

Esta anovadora proposta pon en valor a diversidade como elemento de enriquecemento social e persoal, fomenta a inserción laboral de persoas con diversidade funcional e promove a súa autoestima e confianza ao exercer un rol activo na sociedade. 

Actividade proposta para Educación Infantil e primeiro de Ed. Primaria.