Educación Infantil

Neste segundo trimestre, en colaboración coa ANPA, o alumnado de Educación Infantil e de 1º e 2º de Educación Primaria recibiu unha nova compañeira na clase: A ABELLA BEE BOT!

Grazas a este robot estamos a traballar nas aulas aspectos tan importantes como a lateralidade, o razoamento lóxico, a orientación espacial e o traballo cooperativo, entre moitos outros.

Para conseguilo, creamos diferentes paneis adaptados aos diversos niveis e áreas de traballo, enfocándonos neste mes de marzo na lectoescritura en Infantil e nas matemáticas e na música en Primaria.

Esta nova ferramenta tecnolóxica conquistou ao alumnado, que pouco a pouco vai descubrindo o seu funcionamento, sumerxíndose de cheo no mundo das TIC. 

Invitámosvos a darlle ao play para comprobalo!

A Educación Infantil e Primaria é unha etapa clave na formación dos nenos e nenas, e é fundamental que se lles ensine desde temperá idade valores de igualdade de xénero.

Neste sentido, o Día Internacional da Muller é unha excelente oportunidade para resaltar a importancia do papel da muller na sociedade e promover a igualdade de xénero.

Hoxe estivemos a destacar o papel das mulleres que temos máis preto de nós, enfatizando en valores como o respecto, a tolerancia e a diversidade.

Cada día, debemos inculcar estes valores dende a infancia; isto é clave para construír unha sociedade máis xusta e igualitaria no futuro.

PD: recordade que sempre podedes ver máis imaxes na galería. 

O mércores pola mañá ao chegar ao colexio, atopamos neve no noso patio!

Como non puidemos saír xogar con ela, decidimos crear neve artificial dentro das nosas aulas!

Coa recente incorporación do auxiliar de conversa Noah, aproveitamos desde a materia de lingua inglesa para desenvolver este experimento tan incrible.

Para iso precisamos só dous materiais: cueiros e auga.

Unha vez que conseguimos crear neve decidimos pintala con témperas de diferentes cores para ver cal podería ser o resultado. Ademais, os compañeiros de 3º e 4º anotaron no carderno os pasos a seguir para non esquecerse.

Foi unha experiencia novidosa para o alumnado que lles permitiu vivenciar o inverno desde dentro da propia aula, axudándose da observación e o traballo en equipo.

Ademais, con esta actividade continuamos avanzando no proceso de lectoescritura, indagando nas artes plásticas e desenvolvendo o razonamento lóxico-matemático.

Estimadas familias!

Informarmos de que imos levar a cabo, en colaboración coa ANPA, unha RECOLLIDA DE XOGUETES para que poidan ser empregados durante os recreos, polo alumnado de Educación Infantil e de 1º e 2º de Educación Primaria.

Así, de xeito totalmente VOLUNTARIO, aquelas familias que así o desexen, poderán deixar no centro PEQUENOS xoguetes usados, para darlles unha nova vida e poidan gozar deles outros nenos/as.

Esta recollida terá lugar o luns 12 de decembro en horario de 11:00 h a 13:00 h da mañá, no colexio.

As familias que queiran participar e non se poidan desprazar ata o centro en dito horario, poderán, o luns 12,  facer chegar as súas aportacións a través dos propios nenos/as, encargándonos os mestres/as da recollida dos mesmos.

Moitas grazas de antemán! 

Hoxe comezamos a preparar o Samaín en Educación Infantil. Aprendemos a escribir palabras como: MEIGA, MONSTRO, MORCEGO ou MOMIA.

Ademáis vimos un video da canción "Chumbala Cachumbala". ENCANTANOS  E SABEMOLA ENTEIRIÑA. Para iso, empregamos a pizarra dixital co fin de fomentar as novas tecnoloxías nos máis pequenos.