O xoves, día 23 de abril, os cursos de 1º de primaria participaron en tres obradoiros

no Muíño de Pedroso:

Obradoiro de elaboración de queixo, obradoiro de perfumaría natural onde preparamos unhas relaxantes sales para o baño e obradoiro da horta onde plantamos sementes.

Imaxes das actividades da galería.

Este 23 de abril, e unha vez que remate o día, será lembrado polo alumnado do centro como un  día no que a xornada escolar contou cunha figura especial:

Don Quixote.

A organización de diversas actividades na biblioteca permitiu que os máis pequenos que se están a iniciar na lectura, puidesen escoitar narrar aos seus compañeiros as aventuras do Ingenoso Hidalgo Don Quijote  de la Mancha

 Previamente, a visualizacion da serie de TVE de debuxos animados, fixoos vibrar de emoción co que lle  acontece a este fidalgo na súas aventuras como cabaleiro andante.

 Para os de maior idade, as figuras de Cervantes e Shakespeare, estiveron presentes á hora de coñecer a súa vida, obra e trascendencia a nivel universal como escritores clave na historia do mundo das letras.

 O equipo de biblioteca do CEIP A Solaina espera que no día de hoxe, Día do Libro, puideras adicar un rato a achegarte a algunha  biblioteca para contar coa sempre grata compañía dun libro.

Imaxes das actividades.

   O alumnado de 1º e 2º de Educación Primarira tiveron o pracer de contar co autor dun libro que traballlaron en cadansúa aula, falamos de El Hematocrítico e do libro

"Feliz Feroz"

que, como podemos supoñer, vai dun lobo aínda que un pouco peculiar...

   Coméntase que ata o lobo Feliz Feroz andivo pola biblioteca! 

   Ahí deixamos as fotos para que o descubrades.   

 Imaxes da galería.

   A editorial KALANDRAKA conmemora o aniversario da liberación de Auschwitz coa publicación do libro "A historia de Erika" que narra a historia dunha supervivinte do Holocausto que rememora o tráxico destino do que se liberou cando tiña tan só uns meses de vida. 

   Neste enlace temos a información sobre este libro.

Publicación das listaxes provisionais de Admisión do curso 2015-2016.

• 4º de Educación Infantil 
• 3º Educación Primaria

As listaxes provisonais poden ser obxecto de reclamación perante o Consello Escolar no prazo establecido.

O proceso de Admisión de alumnado seguirá cos prazos establecidos para correspondentes actuacións.

CALENDARIO.

A práctica  do ULTIMATE  ou DISCO VOADOR que se están a levar a cabo nas clases de Educación Física conta cuns obxectivos, técnicas e  regras de xogo.

                                                                                 Preme na imaxe.

Achégase o menú do

comedor escolar 

do mes de abril para os usuarios

do servicio.

   Estas son algunhas das suxestións que o equipo de biblioteca do centro seleccionou para seguir desfrutando da lectura. Esperamos que vos gusten. Recordade que a clasificación por ciclos é totalmente orientativa. Se premedes sobre as portadas dos libros teredes máis información sobre cada un deles: de que van, outros desa colección...

   Sería estupendo que as vosas opìnións sobre estes ou outros libros, materiais diversos, funcionamento, organizacion, etc, as depositárades no buzón que hai ao lado de porta de entrada da biblioteca .

   BOAS LECTURAS PARA TODAS E TODOS!

O narrador canario, Antonio López, encheu  da alegría ao alumnado do noso centro o venres, 19 de marzo, coa narración de adaptacións de contos tradicionias; narracións das que fixo partícipes tanto a alumnado como a mestras, tal e como recollen as imaxes.

O obxectivo de "dar vida a contos tradicionais",  trasmitidos de xeneracións en xeneracións, deixou na biblioteca unha actividade especial grazas á colaboración do Padroado de Cultura do Concello que, dentro do VI Encontros Internacionais de Narración Oral, achegou o referido narrador ao noso centro.

Contos como: "El espejo",  "La princesa caprichosa" ou "La flor de oroval" ,  serán punto de partida para fomentar a lectura entre o noso alumnado, así como favorecer a conversa cos seus avós e,  lembrar con eles estes contos cargados de ensinanzas!

Máis de 100 alumnos-as de 5º e 6º de primaria fixeron unha visita en bicicleta á base de Emerxencias de Narón dentro do programa APRENDO PEDALEANDO preparado polo equipo de educación viaria.

Acompañados polos profesores-as, pais e nais saíron do colexio de A Solaina coas súas bicis para dirixrise pedaleando ata a base de Emerxencias de Narón, sita no polígono do Río do Pozo.Alí nos recibiron os seus compoñentes para explicarnos como funciona este equipo e cales son as súas funcións.Despois pasamos a facer unha actividade práctica de descenso en tirolina nas propias instalacións do grupo.

Para finalizar co almorzo para repoñer forzas e voltar outra vez pedaleando ata o colexio coa satisfacción de coñecer un pouco mellor o traballo de este servizo do concello de Narón.

Podemos ver algunhas imaxes de estas actividades na galería de fotos de esta páxina.                                   

Este venres, 13 de marzo, a escritora Alicia Borrás Sanjurjo acompañou ao alumnado de 5º de Ep  dentro do programa de actividades da biblioteca de Animación á lectura. 

A escritora, unha vez que se presentou, adicou parte da xornada a dialogar co alumnado, entablando con eles e con elas unha conversación fluída e reflexiva sobre as situacións que viven os protagonistas da súa obra "Nata y Chocolate" y "Nata y Chocolate invencibles", así como as súas vivencias de escritora