Este pasado martes, 19  de maio, a Asociación Teima de Down Ferrol visitou ao alumnado de 5º de Educación Primaria co fin de facelos partícipes dos seus obxectivos: inculcar e favorecer os valores de respecto e concienciación das realidades sociais con características diferentes.

Entre o alumnado deste nivel contamos con  dúas alumnas membros desta Asociación.

Todos fomos coñecedores da orixe desta característica e, como non podía ser menos, sensibilizámonos un pouco máis coa súa circunstancia.

Así o vivimos e, así amosa o alumnado os seus novos aprendizaxes.

Colaboracións do alumnado.

Este 7 de maio, o alumnado de 5º de educación primaria, tal e como ben sendo habitual, participou no Correlingua 2015. Nesta ocasión, foiacompañado dos nenos e nenas de 2º curso. 

O alumnado recibiu con entusiasmo esta noticia e na biblioteca do centro, nos días previos a esta actividade visualizaron o vídeo e leron o libro   Brinca Vai, de Paco Nogueiras (Kalandraka), como preámbulo da experienca que lles agardaba .

Premer na imaxe.

A Semana Santa Ferrolana non pasa desapercibida para o noso

alumnado tal e como mostran as súas colaboracións.

 Os cursos de 1º de primaria no segundo trimestre levaron a cabo un proxecto a partires do libro: "Gústame o chocolate"

Decidimos probar unha receita de chocolate. E, despois de prepararnos na aula, saímos a mercar os ingredientes ao supermercado Alcampo coa nosa lista da compra e a carteira chea de cartos!

Máis imaxes na galería

O proxecto culminou cunha deliciosa fondue de froita con chocolate que preparamos e degustamos na aula.

Máis imaxes na galeria

MOITAS GRAZAS ÁS FAMILIAS POLA VOSA COLABORACIÓN E PARTICIPACIÓN!!! 

O xoves, día 23 de abril, os cursos de 1º de primaria participaron en tres obradoiros

no Muíño de Pedroso:

Obradoiro de elaboración de queixo, obradoiro de perfumaría natural onde preparamos unhas relaxantes sales para o baño e obradoiro da horta onde plantamos sementes.

Imaxes das actividades da galería.

O martes 28 de abril, o equipo de voleibol Narón volea achegouse co seu adestrador e unha dúcia de xogador@s ata o pavillón escolar para compartir unhas sesións de presentación e práctica de este deporte.

Os alumn@s de 6º curso de primaria tiveron a ocasión de coñecer e practicar este deporte coa axuda dos xogador@s do equipo.Practicaron algunhas técnicas en pequenos grupos para achegarse a esta disciplina deportiva que lles ofrece o clube.

Esta actividade estivo organizada polo equipo do Narón volea xunto cos profesores de Educación Física dentro da programación de este área.O obxectivo é que os alumn@s coñezan e practiquen unha modalidade deportiva máis para mellora-la súa condición física e a súa saúde de xeito divertido.

A práctica  do ULTIMATE  ou DISCO VOADOR que se están a levar a cabo nas clases de Educación Física conta cuns obxectivos, técnicas e  regras de xogo.

                                                                                 Preme na imaxe.

Este martes, día 20 de xaneiro, o alumnado de 5º A e 5º C e, o mércores, día 21, alumnado de 5º B  realizarán unha saída cultural que terá como obxectivo achegarse á cultura da pintura, en concreto á técnica do gravado.

Afundación de Ferrol acolle a exposición "Múltiple: A arte do gravado de Picasso a Barceló", exposición na que a observación e análise dos cadros expostos permitirá ao alumnado desenvolver este técnica e, dun xeito didáctico e lúdico, aplicala para a realización das súas propias pinturas.

Xa están aquí as panxoliñas que aprendemos para o festival de nadal para que podades seguir cantando durante as vacacións. 

Esperamos que vos gusten e que pasedes un bo nadal.

No Ano Internacional da Agricultura Familiar,  e co obxectivo de concienciar ao alumnado da importancia e da repercusión desta actividade para as familias e para a sociedade en xeral, os 72 alumnos e alumnas de 5º de Educación Primaria participaron no Concurso Escolar de Debuxo "La agricultura familiar" .

De entre todos os debuxos presentados, o realizado pola alumna Carolina Díaz Fernández quedou seleccionado polo xurado entre os 15 mellores, acadando a categoria de finalista.

Noraboa polo logro!

Imaxes do acto celebrado o pasado venres, 14 de novembro, no Liceo Casino de Pontevedra no que Carolina amosa orgullosa o Diploma e debuxo galardoado.

Debuxos de alumnado participante: I, II, III, IV.