O martes 30 de xaneiro celebramos na Solaina o Día Escolar da Non Violencia e a Paz. O alumnado de 6º realizou no pavillón unha coreografía da canción de El Langui, Se buscan valientes, mentres o resto cantou acompañándoos. Durante toda a semana fixéronse plantillas coas mans dos nenos de 3º e 5º, participantes do programa TEI, para colocalas sobre a árbore feita ao efecto na entrada ao colexio. O alumnado de 1º, 2º e 4º deseñou margaritas, nas que os pétalos eran as siluetas das súas mans. O alumnado de Infantil cortou flores e escribiu palabras para logo colocalo todo nuns maceteiros. Igualmente todo o alumnado recortou a súa foto e encheu as letras dun mural co título da canción de El Langui. 

Finalmente, o alumnado de 3º e 5º inaugurou oficialmente dous bancos da amizade, dos tres previstos. A función principal do bancos vai ser convertirse no espazo de reunión no patio para resolver os conflitos que vaian xurdindo entre iguais. 

Se queres ver as fotos da celebración pincha aquí.

Se queres ver a actuación de 6º pincha aquí.

25 DE NOVEMBRO, Día Internacional para a Eliminación da Violencia contra a Muller.

Pincha nos enlaces para ver as fotos do Samaín e do Magosto.

O venres 19 de maio celebramos o Día das Letras Galegas 2017, adicado este ano ao escritor Carlos Casares. Ademais, o alumnado de 2ºB deleitounos cunha adaptación do grupo Petit Pop e posteriormente interpretamos entre todos a canción A miña lingua sae do corazón.

Para ver os debuxos premiados preme aquí.

Pincha no enlace para ver as fotos do desfile.

O 24 de febreiro, venres, celebramos o Entroido no cole da Solaina. Coma outros anos, realizamos un pasacalles polo barrio da Solaina. A saída será as 10:00 horas. O percorrido será o que aparece no plano. Pregamos as familias que non se metan no medio do desfile para procurar que non se retrase.

 CANTIGA DO ENTROIDO

 Se queres escoitar a cantiga preme no título.

Piripipí

Piripipi, Piripipi.      

O Antroido xa chegou,           bis

o Antroido xa está aquí

Aí veñen eses indios,

seguidos polos exipcios.

Os hippies con tantas cores,

os hippies con tantas cores

reparten bicos e flores.

Piripipi, Piripipi.      

O Antroido xa chegou,           bis

o Antroido xa está aquí

Chegamos os da prehistoria,

avanzamos ata Roma.

Cabaleiros e castelos,

cabaleiros e castelos.

Atopamos o medievo.

Piripipi, Piripipi.      

O Antroido xa chegou,           bis

o Antroido xa está aquí

Navegando os viquingos

chegaron ata a Solaina.

Os incas os esperaban,

os incas os esperaban

pra comer a laconada

Piripipi, Piripipi.      

O Antroido xa chegou,           bis

 o Antroido xa está aquí

   No CEIP A Solaina organizouse, como é habitual, un programa de actividades para conmemorar o Día das Letras Galegas 2016 ao redor do autor ao que se lle adica cada ano. Como nesta ocasión estaba adicado ao poeta lucense Manuel María, traballouse nas aulas acerca da súa vida e da súa obra.

 Proposta de traballo do Departamento de Normalización Lingúística

"SOÑANDO GALICIA CON

MANUEL MARÍA"

   O 20 de maio de 12.00 ata as 14.00h. o alumnado e profesorado do centro xuntámonos no patio principal para desenvolver o programa de actividades. Houbo dende cancións, representacións teatrais, recitais dos seus versos...

   A xornada rematou coa interpretación musicada do poema "O carro" e cun forte aplauso común de todos os  participantes.

 Homenaxe a Manuel María no recuncho da biblioteca .

Organizado polo equipo de Dinamización da Lingua Galega da Solaina, celebrouse durante a mañá de hoxe, 14 de marzo (3/14 nos países de tradición anglosaxona), o Día do número Pi. Todos as clases de Primaria formaron varios grupos para concursar nuna xincana consistente en contestar ás adiviñas matemáticas propostas e conseguir unhas letras colocadas por todo o colexio. Ao final, cada grupo ordenou as letras e conseguiu formar unha palabra oculta.

A experiencia foi moi positiva e xa estamos desexando que chegue o 3/14 do ano que vén para xogar outra volta co número pi.