O pasado xoves 25 de novembro @s alumn@s de 5º de Primaria celebraron a xornada pola Igualdade e contra a violencia de xénero,dentro das actividades das Olimpíadas escolares organizadas polo concello de Narón.

A actividade consisteu na resolución do panel ¿Quién es ella? no que debían buscar o nome e a foto de 24 persoeiras coñecidas, mediante unha serie de pistas sobre a súa biografía.

Ao mesmo tempo, ían pedaleando por quendas sobre a bici estática seguindo na pantalla as imaxes do percorrido virtual que os levou por tódolos colexios de Narón.

O 12 de novembro publicouse no DOG a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería, así como en centros privados concertados, no curso 2021/22 (código de procedemento ED330E). Os destinatarios da distribución de máscaras serían:

1. O alumnado de PRIMARIA beneficiario da axuda de material escolar no curso 2021-2022, polo que non é necesario presentar solicitude.

2. O alumnado de PRIMARIA que NON fose beneficiario da axuda de material escolar no curso 2021-2022 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 € (Renda 2019).
• Que estea matriculado en educación especial.
• Que estea suxeito a tutela ou garda da Xunta de Galicia.
• Que teña un grao de discapacidade igual ou superior ao 65%.

Pódese presentar solicitude na secretaría do centro de forma unicamente presencial ata o 26 de novembro, en horario de 10:00 a 13:00 horas, concertando cita no teléfono 881930370.

Máis info.

Anexo I

Anexo II

Anexos I II corrixidos

Este ano o CEIP A Solaina colabora con Mariola Soliadara na CAMPAÑA DE RECOLLIDA DE ROUPA E CALZADO USADO en beneficio da ONG Global Humanitaria. 

O día único de recollida é o xoves 4 de novembro.

III Olimpíadas Escolares de Seguridade Viaria.

O Concello iniciou a terceira edición das Olimpíadas Escolares de Seguridade Viaria, que o pasado ano debido á situación sanitaria se celebraron de xeito virtual e que un ano máis contan coa colaboración da Confederación Nacional de Autoescolas. Un total de 308 escolares de cuarto e quinto cursos de educación Primaria de nove centros de ensino da cidade participan nesta convocatoria, que consta de tres fases, unha teórica, outra práctica e a final.

 Ao longo deste mes de novembro impartiranse estas charlas da fase teórica sobre Educación Viaria e outra sobre Medio Ambiente a cargo dun profesional nesa área nos colexios: Ponte de Xuvia, Jorge Juan, Ayala, Virxe do Mar, A Solaina, O Feal, A Gándara, Piñeiros e o CRA do Val.  Durante unhas semanas os escolares aos que se dirixen estas olimpíadas recibirán unha formación moi útil no seu día a día, cunha parte didáctica e outra lúdica sobre diversas materias, entre as que tamén están as Matemáticas aplicadas á educación viaria, o Inglés e a Igualdade de xénero.Unha vez que remate esta formación os titores e titoras dos centros seleccionarán entre o alumnado a un grupo mixto de seis nenas e nenos por colexio para participar na final e representar á clase e ao centro educativo.

A continuación terá lugar a fase práctica, que consistirá nunha xincana con bicicletas e para o que serán os propios centros os que elixirán a un alumno ou alumna para realizala, debendo levar ese día unha bici e casco. Un tribunal encargarase de controlar que o circuíto se execute correctamente, asignando unha puntuación que se sumará na fase final.

Esta fase final está programada para o 12 de xaneiro, ás 10.00 horas no Pazo da Cultura e alí os escolares, en grupos de seis por centro, realizarán un cuestionario de trinta preguntas tipo test e todos eles ao mesmo tempo. Para elixir aos finalistas sumaranse os tempos do cuestionario e os da xincana.

Nestas olimpíadas entregaranse un primeiro, segundo e terceiro premio para os tres grupos clasificados con máis puntuación e en caso de empate teranse en conta preguntas do cuestionario. Os premios serán colectivos para que poida disfrutar dos mesmos toda a clase.

10. Composición do novo Consello Escolar.

9. Renovación do Consello Escolar 2021_PROCLAMACIÓN DE CANDIDATOS/AS.

8. Renovación do Consello Escolar 2021_Circular informativa.

7. Renovación do Consello Escolar 2021_Candidaturas DEFINITIVAS.

6. Renovación do Consello Escolar 2021_Candidaturas responsables.

5. Renovación do Consello Escolar 2021_Convocatoria responsables.

4. Renovación do Consello Escolar 2021_Circular informativa inicial.

3. RESOLUCIÓN do 20 de setembro de 2021, da Secretaría Xeral de Educación, pola que se establece o calendario para a celebración de eleccións de membros dos consellos escolares de centros docentes sostidos con fondos públicos.

2. Competencias do Consello Escolar segundo a LOMCE / Competencias do Consello Escolar segundo a LOMLOE.

1. Composición actual do Consello Escolar.

0. Calendario.

Con motivo do Día da Biblioteca, o sábado 23 de outubro desenvolveranse actividades na Praza de Galicia organizadas pola Biblioteca Pública Municipal de Narón. Enlace á noticia.

BASES DO IX CONCURSO DE DEBUXO ESTARRECEDOR “PASÁMOLO BEN “ E DO XII CONCURSO DE CONTOS “PASÁMOLO BEN “: enlace.

O mércores 22 de setembro de 2021, ás 16:15, terá lugar na biblioteca do centro unha sesión informativa sobre a actividade subvencionada polo Concello de Narón, "Escola de familias" destinada a todos os membros da comunidade educativa interesados nesta temática.

Cartel.

Tríptico.

Circular. 

1. INCORPORACIÓN DO ALUMNADO

1.1. O XOVES, día 9 de setembro, comeza o curso escolar 2021/2022 coa incorporación do alumnado de educación infantil e de primaria.

2. HORARIO DE ENTRADA E SAÍDA

Entradas:

 - O ALUMNADO DE PRIMARIA pode acceder ao recinto desde calquera das tres portas exteriores a partir das 08:45. A subida ás aulas efectuarase seguindo a distribución seguinte:

·      Os cursos de 1º e 2ºEP entrarán pola porta situada á beira do comedor e subirá polas escaleira próximas á biblioteca.

·      O resto de cursos de primaria entrarán pola porta principal do edificio e subirán polas escaleiras coa seguinte distribución:

§  3º e 5ºEP, pola escaleiras achegadas á conserxaría.

§  4º e 6ºEP, pola escaleiras próximas ás aulas de tres anos.

- As familias do alumnado de primaria non poderán acceder ao recinto.  

– O ALUMNADO DE INFANTIL entrará ás clases a partir das 09:05.

§  4ºEI na porta do patio de infantil de 3 anos.

§  5ºEI, facendo filas na zona esquerda da entrada principal.

§  6ºEI facendo fila na zona dereita da entrada principal.

O alumnado de infantil debe de estar acompañado dun único adulto por neno/a e non entrarán no recinto ata que toque a sirena ás 09:00. A continuación colocaranse nos espazos asignados á espera de entrar coas titoras.

O uso da máscara é obrigatoria en todos os espazos do colexio, incluído o patio.

Saídas:

- Abriranse as portas do recinto ás 13:35 horas.

 - As familias de INFANTIL accederán ao recinto e colocaranse no espazo de entrada habilitado para cada aula. O horario é o seguinte.

•  4ºEI (3 anos), ás 13:45 horas (agás o período de adaptación en setembro).
•  5ºEI (4 anos), ás 13:40 horas.
•  6ºEI (5 anos), ás 13:45 horas.

Unha vez entregados sairán unicamente pola porta principal, Rúa Cardeal Cisneros.

 - As familias de PRIMARIA recollerán ao alumnado nas portas exteriores coa seguinte distribución:

·      1º e 2º, ás 13:50 horas pola porta da Rúa Lugo.

·      3º e 4º, ás 13:55 horas pola porta da Rúa Ourense.

·      5º e 6º, ás 14:00 horas pola Rúa Cardeal Cisneros.

O profesorado acompañará ao alumnado ata a saída correspondente. 

3. ADAPTACIÓN DE PROTOCOLOS COVID-19

3.1. PLAN DE ADAPTACIÓN Á SITUACIÓN COVID 19 NO CURSO 2021-2022 NO CEIP A SOLAINA.

3.2. Declaración responsable.

3.3. Enquisa de autoavaliación [Non é preciso remitila ao colexio, é un referente para facer a autoavaliación diaria da sintomatoloxía].

4. COMEDOR, MADRUGADORES E MERENDAS

COMEDOR:

O servizo estará dispoñible desde o mesmo xoves 9. As comunicacións de asistencia ou ausencia faranse exclusivamente por vía telefónica (881930370). Se fose necesario, faranse dúas quendas nas que se repartirán os diferentes niveis da educación infantil e primaria. O alumnado que non estea no interior do comedor (en caso de xa ter rematada a súa quenda ou por estar esperando á mesma), permanecerá no patio interior do centro, no lugar que lle sexa asignado ao seu grupo. Este sistema de quendas irase adaptando en función do número de comensais diarios. A saída levarase a cabo á maneira  seguida no curso anterior (de acordo ás necesidades das familias) e ata as 15:55. Vai ser obrigatorio polo menos un uso mensual para a permanencia na listaxe.

MADRUGADORES:

Este ano a ANPA volve a poñer en funcionamento o servizo de madrugadores desde o primeiro día lectivo. Pódense consultar as condicións en http://www.edu.xunta.gal/centros/ceipasolaina/?q=system/files/CIRCULAR%20WEB%20INFORMACION%2

MERENDAS:

O alumnado deberá traer a merenda de media mañá da casa, axustándose as recomendacións que se darán na circular de inicio de curso.

5. CAMIÑOS SEGUROS:

Continuamos cos Camiños seguros na etapa de Primaria, incluído o chequeo da pulseira. O alumnado de Infantil non vai pasar a pulseira para evita o colapso das entradas. 

6. INFORMACIÓN ÁS FAMILIAS POR NIVEIS:

• 1º e 2º.
• 3º.
• 4º.