Un ano máis o noso cole forma parte do programa de distribución de froita fresca. Tres son os períodos que nos viñeron concedidos: do 13 ao 19 de febreiro,do 13 ao 19 de marzo, e do 24 ao 30 de abril.

O venres 9 de decembro de 2016 os nenos de segundo a sexto de primaria fomos visitar unha instalación deportiva. Nin máis nin menos ca o estadio de Balaídos, onde xogan moitos dos nosos ídolos. Estivo un día estupendo e pasámolo xenial como podemos ver nesta cantidade de fotos que fixemos. Ah! tamén podedes ver algúns debuxos que fixeron os nenos de segundo ao chegaren ao cole. Premede AQUÍ.

O venres 11 de novembro de 2016 contamos coa grata visita de Susa Herrera. Tivemos ocasión de pasar un rato moi agradable e divertido, pois brindounos a oportunidade de cantar e facer diferentes coreografías coas súas cancións.

AQUÍ podedes ver MÁIS FOTOS e VÍDEO

O Sr. Alcalde e a concelleira representante no Consello Escolar, fixeron entrega o xoves 20 de outubro, duns cepillos de dentes para todos os nenos do centro.

Este ano como novidade decidimos facer uns recreos diferentes co obxectivo de fomentar a actividade física e deportiva, favorecendo así a adquisición dos diferentes valores que estas actividades levan asociados. Deste xeito comezamos ofertando os luns e os martes os xogos da corda e do brilé respectivamentepara os alumnos de primaria. A proposta tivo boa aollida.

Tamén en E. Infantil apostamos pola actividade física, coa introducción, neste caso, de xogos populares e tradicionais como as carreiras de sacos.