Complementarias

Poesias Terceiro de Primaria

Premede nas imaxes para ver as presentacións

 

     

 

Terceiro

                    

  Terceiro 1    Terceiro 2          

 

 

 

 

Vísita Concello de Miño

O pasado xoves o alumnado de 3º e 4º de primaria, realizaron unha visita ao Concello de Miño, como continuación do programa "Coñece a túa contorna", iniciada en cursos anteriores coas visitas aos Concellos de Pontedeume e Vilarmaior.

Podedes atopar as fotos na galería de fotos ou no seguinte enlace: SAÍDA CONCELLO DE MIÑO

 

Visita comarca de Ortegal

O pasado mércores 16 de novembro o alumnado de 5º e 6º de primaria, realizou unha visita a Comarca de Ortegal (Porto de Espasante e Ortigueira).

Viaxamos en tren ata Porto de Espasante, onde visitamos o castro "Punta dos Prados", pequeno castro marítimo, onde destaca o "manumento con forno". Podedes ter máis información deste castro no seguinte enlace: Castro Punta dos Prados.

Posteriormente visitamos a cetarea e os percebeiros responderon as preguntas dos nosos alumnos e explicaron como é o seu traballo.

Ao rematar collimos de novo o tren para desprazarnos ata Ortigueira onde visitamos un muiño de vento. Despois de comer realizamos unha ruta polo bordo litoral dende Ortigueira ata a praia dos morouzos. Ao finalizar a ruta visitamos o museo "Ortegalia", onde o alumnado poido ver diferentes elementos da cultura prehistórica galega e da cultura castrexa.

Podedes ver as fotos na galería de imaxes: FOTOS

Pesca de altura

O pasado venres 6 de marzo, reibios no centro a "Serafín Alonso" que contou ao alumnado de 4º, 5º e 6º, a súa experiencia na pesca de altura.

Serafín ten 55 anos, nado en Campelo, un pobo mariñeiro de poio en Pontevedra.

Comezou a traballar con 12 anos na pesca de baixura. Pescando sardiñas, xardas e xurelos principalmente. Aos 15 anos embarcouse en alta mar, foise a Sudáfrica adicándose a pesca da merluza. Alí estivo ata os 18 anos que foi reclutado pola mariña, onde fixo o servizo militar.

Logo do servizo militar retornou ao mar. Desta volta a Arxentina adicándose a pescar langostinos e merluzas nun barco arxentino, xestinado por unha empresa española.

Durante varios anos estivo embarcado en barcos de distintas empresas. Sempre en alta mar e en zonas como Terranova, Sur De América o Sur de África. Estivo en case todos os mares expecto no Pacífico e no Gran Sol.

Actualmente traballa no Índico como mariñeiro dun barco atuneiro. Compre lembrar o perigo de faenar nestas latitudes, xa que existe un grave problema de pirataría.

Grazas Serafín, por compartir con nós as túas experiencias.

Podedes ver as fotos na GALERÍA.

Tamén podedes os VÍDEOS.

Deixámosvos cunha pequena presentación da xornada.

 

 

Charla prevención incendios forestais

O mércores 24 de febreiro, dentro do Plan de Divulgación e Sensibilización da Consellería de medio Rural o noso alumnado recibiu unhas charlas e demostracións prácticas, de Prevención dos incendios forestais.

Na parte teórica o noso alumnado aprende os beneficios dos bosques e cal é o seu primeiro inimigo: o lume.

Na parte teórica aprenderon como se ataca o lume, cal é o equipamento necesario e o coche dos que dispoñen as cuadrillas.

Unha experiencia moi interesante que esperamos poder repetir en vindeiros anos.

Grazas a cuadrilla do "Distrito Forestal I de Ferrol.

Podedes ver as fotos na GALERÍA.

Deixámosvos cunha pequena presentación da xornada.

Visita Antonio M. Fraga (2º ciclo)

Ao igual que o pasado día 2 de abril, onte venres 25 de abril, recibimos a visita do escritor eumés "Antonio Manuel Fraga Allegue". Neste caso foi o alumnado do 2º ciclo o que compartiu, có poeta eumés, unha xornada inesquecible.

Tedes as fotos na GALERIA.

Deixámosvos cunha reportaxe da xornada.

Visita Antonio M. Fraga

O pasado día 2 de abril, día internacional do libro infantil, visitou o noso centro o escritor Eumés "Antonio Manuel Fraga Allegue", premio Merlín de literatura infantil, co libro "O CASTIÑEIRO DE ABRIL". Unha xornada especial para o alumnado do 3º ciclo participante.

Tedes as fotos na GALERÍA.

Deixámosvos cunha ampla reportaxe da xornada.

ACUARIO

pasado venres 22 de novembro o alumnado do 1º ciclo asistiu a un espectáculo teatral organizado pola Editorial Embora en colaboración co Teatro dos Ghazafellos e a escritora María Canosa.

Baseado no libro de poemas "Acuario" de María Canosa presentan un recital dramatizado para que as nenas e nenos se acheguen á poesía e a unha sinxela escenografía. Todo elo con descricións rítmicas sobre os peixes e unha pequena historia ao redor da fauna mariña do noso litoral.


Este espectáculo que tivo lugar na Casa da Cultura de Pontedeume estaba organizado polo Concello de Pontedeume, area de Normalización Lingüística, e a Deputación provincial de A Coruña. 

Tedes todas as imaxes na GALERÍA.

Visita ao Castelo de Andrade

Este ano estamos a realizar as actividades do centro en torno ao tema "A Idade Media, e por ese motivo realizamos a visita ao Castelo de Andrade. Durante a visita contamos coa colaboración dos responsables do Concello de Pontedeume que explicaron ao alumnado a historia do Castelo e a axuda do persoal de protección civil.

A continuación tedes unhas imaxes da visita, coma sempre tedes todas as imaxes na GALERÍA.

CONVIVENCIA FINAL DE CURSO: "PLAYA DE CABANAS"

O pasado xoves día 20 de xuno, realizamos unha xornada de convivencia na Praia de Cabanas. O alumnado tanto de infantil como de primaria, xogaron na praia a diferentes xogos, fixeron castelos de area, etc.

Foi unha xornada moi entretida a pesar do mal tempo.

Tedes as fotos na GALERÍA.

Deixámosvos cunha presentación da xornada.

Distribuir contenido