Os alumnos e alumnas de 4ºB e 4ºC  fixeron estos TÍTERES DE ESPUMA. Primeiro prepararon as plantillas para cortar as planchas de espuma para facer as cabezas. Despois uniron con pegamento os dous lados da cabeza, que é unha das fases máis complicadas e, cando estiveron secas, fixeron o seguinte paso que é pintar as caras, pegarlle ollos e facerlle a boca. Coa estructura da cabeza xa rematada fixéronlle os corpos cunha camiseta. E finalmente cada un decorou o seu títere como máis lle gustou: pelos de cores, barbas,  coletas, bigotes, dentes ou cornos....e todo tipo de accesorios para personalizalos. Desde logo empregaron moita imaxinación!

   Pasárono moi ben e quedaron chulísimos!

    Hoxe presentamos un novo blog no colexio "PÉS NA RÚA": é o resultado do traballo que veñen realizando desde fai meses o alumnado e o profesorado de 4ºA.  Trátase do programa de "Mobilidade sostible e segura", que desenvolve a Dirección Xeral de Tráfico a través do Plan Proxecta. Un tema moi interesante xa que o contorno dos centros escolares é o ámbito de maior perigo viario para o alumnado.

    O Plan Proxecta é unha iniciativa da Consellería de Cultura, Educación e Ordenación Universitaria, en colaboración con diferentes organismos, neste caso  a DXT, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais.

    Un dos primeiros pasos foi a carta que enviaron cando iniciaron o traballo:

E este é o logo que crearon na clase:

A partir de agora podedes seguir o blog premendo no icono na esquina superior dereita.

     Os alumnos e as alumnas de 5º de Primaria fixeron este libro en formato xigante con ilustracións sobre o Quixote, para conmemorar os 400 anos da morte do seu autor Miguel de Cervantes.
Empregaron cartón de embalaxe para facer as páxinas que están cosidas con cordel para encuadernalo.  

     Está exposto na Biblioteca.

  OS ALUMNOS E ALUMNAS DE  2º A NO SEU RECITADO DE POEMAS SOBRE CERVANTES. Recitaron na Biblioteca do centro. Algúns viñan xa disfrazados da casa e outros vestíronse no colexio entre nervios e emoción. A profesora destes alumnos, Manoli, agradece a colaboración e implicación dos pais e nais que, con moita imaxinación, caracterizáronnos estupendamente. No escenario disfrutamos dun espectáculo cheo de sensibilidade, emotividade e non faltou a música en directo. Cecilia  co seu violín e Aida e Marta cantando acompañadas das súas guitarra. Foi unha experiencia moi gratificante para todos.

  Neste video realizado polo profesor Paco Fontarigo temos unha montaxe das dúas  sesións que fixeron os rapaces.

 UNHA MONTAXE EN VIDEO COAS FOTOS DOS RAPACES E RAPAZAS

E PREMENDO NESTE ISSUU ESTÁN OS POEMAS QUE PREPARARON PARA RECITAR

  O alumnado dos coles de Ames celebra as Letras Galegas sementando poemas de Manuel María polo Concello de Ames. Uns deles foron os alumnos de 2º que se achegaron ao Instituto para facer a primeira sementeira. Xa sabedes que se atopades os poemas tedes que seguir as instrucións: disfrutalos, sacarlles unha foto e enviala a este enderezo: sementandopoemas@concellodeames.gal indicando onde se fixo a foto.

  Os alumnos e alumnas de 2º A de primaria están preparando un recitado de poemas relacionados coa obra "Don Quijote",  xa que este ano se conmemora o IV centenario da morte de Miguel de Cervantes. Farán dous pases o mércores día 11 na Biblioteca:  No primeiro terán como público o alumnado de 5º curso e no segundo o de 4º.

Neste ISSUU están as fotos dos traballos que os rapaces prepararon sobre os poemas que van a recitar. Premede na imaxe para velos.

 Un par de momentos dos ensaios:

   As alumnas e alumnos  de 2ºC, que esperaban impacientes o seu turno, visitaron  a  Aula da Natureza de Ames na antiga escola unitaria da Ameixenda. Entre outras actividades para favorecer a sensibilización, o coidado e o respeto do medio, viron as partes das plantas, analizaron as raices e observaron as flores das camelias. Tamén viron as coleccións de insectos. Pasárono moi ben!

    Os alumnos e alumnas de 2º e tamén os de 1º asistiron na sede da fundación Abanca en Santiago á representación do espectáculo RODARIRRODARI  da compañía "Fantoches  Baj" fundada por Inacio Vilariño.

   Rodarirrodari (Contos do tranvía) é un espectáculo de narración oral, monicreques e acompañamento musical en directo no que, a través dos contos tradicionais de Gianni Rodari e co tranvía de Marín como medio de transporte do espectáculo, falan da domesticación dun animal como é o burro para explicar o uso e abuso das novas tecnoloxías. Premendo neste enlace  tamén podedes ver un anaco do espectáculo que fixeron noutra ocasión.

As alumnas e alumnos de 2ºA visitaron hoxe a Aula da Natureza de Ames na antiga escola unitaria da Ameixenda. Os alumnos de 2ºC realizarán a mesma visita o día 16 e os de 2ºB visitárona a semana pasada como podedes ver nunha entrada anterior desta web. Entre outras actividades para favorecer a sensibilización, o coidado e o respeto do medio, viron as partes das plantas e das flores e tamén as coleccións de insectos. Tamén lles ensinaron un herbario. Gustoulles moito e pasárono xenial!