Xa están a disposición dos solicitantes os vales para libros e material, poden chamar ao teléfono 881866006 para comprobar si lle foi concedido e, desde mañá venres 9 de xullo, poderán pasar polo centro a recollelos.

^{O horario do centro para recollida será de 10:00h. a 13:00h.} 

HORARIO DE ATENCIÓN EN SECRETARÍA  DURANTE O MES DE XULLO

Dende o día 1 ao 31 xullo  o horario será de 10:00h. a 13:00h.

Durante todo o mes de agosto, o centro permanecerá pechado por vacacións.

Estimadas nais, pais, familias:

Desde o día 1 de xullo poden pasar pola secretaría do centro a recoller o historial académico do seu fillo ou filla.

Comunicámoslle que desde o CEIP xa se trasladou copia do historial  ao IES no que presentaron solicitude de admisión.

Coma todos os cursos, o EDLG do centro organizou o concurso de debuxo e lema a prol da nosa fermosa lingua.

Neste curso decidimos proporcionarlles ao alumnado o lema e que eles fixeran o debuxo. Cos debuxos elixidos polo xurado fixéronse unha mochilas de algodón para que as nosas nenas e nenos poidan espallar o lema e a lingua galega por onde vaian.

Os seleccionados foron os seguintes:

Educación infantil

1º e 2º de educación primaria

3º e 4º de educación primaria

5º e 6º de educación primaria

DOCUMENTACIÓN A ENTREGAR

• Impreso de matrícula
• Autorización múltiple
• Datos complementarios.
• Transporte Deben facer a solicitude a través do formulario https://forms.gle/hFqsjfJRtsaXVCe28
• Cuestionario sobre lingua materna. Só é para o alumnado de 4º EI.
• Información básica sobre protección de datos.
• Fotocopia de DNI do alumno/a e proxenitores (só si non a entregou en admisión).
• Fotocopia da tarxeta sanitaria.
• Fotocopia da cartilla de vacinación.
• 3 fotografías tamaño carné.

INFORMACIÓN SOBRE A ENTRADA NA ESCOLA: RECOMENDACIÓNS DE INTERESE PARA FAMILIAS DE ALUMNADO DE 3 ANOS

E ti...vas á escola?

INFORMACIÓN IMPORTANTE SOBRE TRANSPORTE ESCOLAR

INFORMACIÓN IMPORTANTE SOBRE COMUNICACIÓNS DO CENTRO

INFORMACIÓN SOBRE A ANPA DO CENTRO

Circular xeral de benvida

Desde mañá  xoves 17 de xuño até o xoves 15 de xullo ábrese  o prazo para solicitar praza no transporte escolar para o vindeiro curso 2021/22.

Para evitar aglomeracións innecesarias, a solicitude farase a través dun formulario web, ao que pode acceder dende aquí: https://forms.gle/hFqsjfJRtsaXVCe28

É moi importante que lean atentamente o formulario antes de cubrilo e de envialo, só permite un envío.

Ante calquera dúbida ou problema que lle xurda póñanse en contacto co centro nos seguintes teléfonos de atención:

881866006 (Lourdes)

LEXISLACIÓN RELACIONADA:

o   

LEI 16/1987, do 30 de xullo, de ordenación dos transportes terrestres. (BOE, 31/07/87). Texto consolidado, 29 de setembro de 2018.

o   

REAL DECRETO 443/2001, do 27 de abril, sobre condicións de seguridade no transporte escolar e de menores. (BOE, 02/05/01). Modificado polo Real Decreto 894/2002, do 30 de agosto, (BOE, 31/08/02). Texto consolidado, última modificación: 5 de setembro de 2006.

o   

DECRETO 160/1988, do 9 de xuño, polo que se regula a prestación dos servicios de transporte escolar e de obreiros de competencia exclusiva da Xunta de Galicia. (DOG, 27/06/88). Modificado polo Decreto 342/1998, do 27 de novembro, (DOG, 03/12/98) e polo Decreto 65/2014, do 28 de maio, (DOG, 10/06/14).

Educación Infantil: Non hai libros

Educación primaria:

Pode consultar o listado de libros para educación primaria para o 

curso 2021/22 aquí. 

5º e 6º de primaria teñen libro dixital

Os listados de material serán proporcionados unha vez comece o curso, directamente polas titoras ou titores.

Estimadas familias e alumnado:

Informamosvos das actividades de final de curso para o alumnado de 6º de Educación Primaria que se van a desenvolver nos vindeiros días. Estas actividades están contempladas no Plan de Transición entre etapas educativas que forma parte do Proxecto Educativo do noso centro e teñen como obxectivo facilitar o paso dos nenos e nenas dende a Educación Primaria á Educación Secundaria.

Actividades:

Como consecuencia das características singulares deste curso 2020-2021 derivadas da pandemia do covid-19, o alumnado de 6º curso non pode realizar a tradicional visita ao instituto tal e como se viña realizando en cursos anteriores.

Coñecedores da importancia que para os rapaces/as ten o feito de coñecer as instalacións e o funcionamento do novo centro, así como os cambios a nivel curricular que se producen en 1º da ESO, deseñamos as seguintes actividades en colaboración co departamento de orientación do IES Plurilingüe de Ames:

1- Presentación da información proporcionada polo departamento de Orientación do IES de Ames.

Esta guía rápida explicarásevos aos alumnos/as en cada una das titorías de 6º. Tamén a poderedes atopar na páxina web do noso centro (https://www.edu.xunta.gal/centros/ceipamaia/) e na aula virtual.

2- Visita ao IES de Ames o día 17 de xuño.

Por mor da imposibilidade de visitar o IES en horario lectivo debido ás restriccións do protocolo covid, solicitamos a colaboración das familias para poder realizar esta visita fóra do horario escolar do seguinte xeito:

• A visita terá carácter VOLUNTARIO.
• Será responsabilidade das familias o traslado do alumnado ata o instituto e a recollida unha vez finalizada a visita, seguindo o horario de visita establecido para cada curso.
• Unha vez que o alumnado chegue ao IES no horario previsto, será acompañado para realizar a visita polo seu profesorado titor e polas orientadoras do colexio e do instituto.

Horario de visitas para o día 17 establecido para cada curso (prégase puntualidade):

Finalmente, recordamos ao alumnado e ás familias que os sobres de matrícula para 1º da ESO atópanse no noso centro (CEIP A MAIA), polo que non teñen que solicitalos ao IES, na vindeira semana serán repartidos ao alumnado.

Agradecemos a vosa colaboración

Departamento de Orientación do CEIP A Maía

Benqueridas familias,

Presentámosvos estas ligazóns de utilidade para que poidades aprenderlle aos vosos fillos e fillas como navegar de xeito seguro por internet e como manexarse en redes sociais.

Cremos que é moi importante que teñan tamén o voso apoio e supervisión neste campo.

Guía de Google para as familias.

Contén toda a información e explicacións de internet e as novas tecnoloxias. Son 32 páxinas con todo tipo de información detallada. 

Ligazón

Pantallas Amigas

Guías, videos educativos destinados a primaria ou mesmo a adolescencia sobre toda a temática posible, onde temos información de saúde dixital, pautas, tolerancia, perigos, guías de violencia sexual, ciberacoso, sharenting...etcétera. É unha páxina con moitos recursos ben explicados.

Ligazón

En galego temos faite dixital (ligazón), que colabora coa Xunta de Galicia e Amtega para crear blogs, charlas educativas e demais desta temática.

Tamén buscamos dous videos explicativos, o mais claro posibles, sobre control parental, como funciona e as mellores apps para os pais.

Ligazón a Mi tribu

Ligazón a charla control parental

Na seguinte ligazón temos as leis de privacidade en internet: Ligazón

Procurade investir uns minutos nestes contidos, xa que os vosos fillos e fillas accederán de igual modo ás redes sociais e a internet. Que o fagan coas ferramentas e a formación precisa é cousa de todos.