A Concellaría de Educación informa de que se ampliou ata o vindeiro luns, 8 de xuño, o prazo para a presentación de solicitudes de renovación e prescrición nos servizos complementarios de educación do Concello de Ames (Rede de comedores escolares e programas Bos días cole e Tardes divertidas) para o curso 2020/2021. Este prazo estaba aberto durante o pasado mes de marzo, quedando interrompido pola declaración do estado de alarma. Posteriormente, reanudouse do 18 de maio ao 1 de xuño. Agora, vén de ampliarse ata o 8 de xuño.