Biblioteca

Investigamos algunhas das flores autóctonas que podemos atopar na nosa escola e tamén na nosa contorna máis próxima, como o toxo, o liño, o chuchamel, os amorodos...

Ademais de aprender moito sobre estas flores, fixemos unhas representacións con diferentes técnicas artísticas que expuñemos nos corredores da nosa escola.

Coa chegada da primaveira e, aproveitando que temos unha moreira na nosa escola, investigamos sobre o ciclo de vida dos vermes de seda.

É un privilexio ver en directo cómo eclosionan os ovos, van medrando os vermiños, coidalos dándolles de comer, ver como fan a crisálida e, finalmente, como saen dela convertidos en bolboretas. Todo un espectáculo!!!

Durante todo o curso estivemos a traballar na horta e no invernadoiro, plantando diferentes especies segundo a época do ano en que nos atopamos.

Tamén fixemos sementeiros de diversas plantas aromáticas para trasplantalas cando medren á nosa biblioteca exterior.

E investigamos sobre a xerminación, principalmente das leguminosas, aprendendo ademais sobre as partes das plantas, especialmente dos brotes.

Para conmemorar o Día do Libro tamén demos comezo aos Apadriñamentos lectores, unha actividade que tivera que ser suspendida pola pandemia, pero que agora temos a sorte de poder levar a cabo de novo.

Cada un dos nenos e nenas maiores apadriña a un dos máis pequenos, e prepara un conto ou historia para contarlle unha vez ao mes e desfrutar xuntos desta lectura compartida.

Na zona final da ladeira, reutilizando os palés de cores do lado do peche, creamos unha pequena zona de horta en macetas para plantar amorodos.

Esperemos que pronto den os seus froitos grazas aos coidados do noso alumnado.