Por medio deste documental, o alumnado da aula 6 recolle un traballo de investigación realizado durante varias semanas en torno a mulleres que, a pesar de ter profesións moi distintas, todas elas traballan dun xeito ou outro con aspectos relacionados coa linguaxe e a comunicación.
Este conxunto de actividades foron propostas por Alba, a nosa mestra en prácticas.
Esperamos que vos guste!
Esta semana celebramos un concurso de Maios no CEE Santa Maria.
Os Maios son unha festa popular galega na que se ensalza a exaltación da natureza que sucede coa chegada da primavera.
Así quedaron!
Ata tivemos unha entrega de premios, noraboa a todos os participantes!!
Estes foron os gañadores:
1º premio: Aula 5
2º premio: Aula 7
3º premio: Aulas 8 e 9
Feliz Día das Letras Galegas!!
Para conmemorar este día, as aulas 5 e 6 do CEE Santa María grabamos un programa de radio no que, coa axuda da nosa máquina do tempo, fixemos unha viaxe ao pasado pola vida de Francisco Fernández del Riego, a quen se homenaxea neste Día das Letras Galegas 2023.
Para escoitar o noso programa, só tes que premer no seguinte enlace:
https://go.ivoox.com/rf/108421631
Con este programa de radio, presentámonos ao V Concurso de Podcasts e Radio na Biblio, un proxecto da Consellería de Cultura, Educación, Formación Profesional e Universidades.
As aulas 5 e 6 estiveron traballando neste vídeo, no que se representa unha historia titulada "A gota de auga" e na que se trata a importancia da auga de choiva na agricultura.
O video grabouse ao revés, para facelo máis inxenioso e divertido; e posteriormente os propios alumnos editárono empregando as tablets da aula.
Que vos parece o resultado?
Como cada 23 de marzo, celébrase o Día Mundial da Meteoroloxía. Dende o CEE Santa María, queremos celebralo compartindo algúns rexistros do tempo que temos nas nosas aulas e que se adaptan aos distintas características do alumando.
Hoxe, 13 de febreiro celébrase o Día Internacional da Radio e dende o CEE Santa María quixemos celebralo por medio da grabación do noso primer programa da Radio INDIRESTO.
O nome da rádio está formado polas palabras INclusiòn, DIversidade, RESpeto e TOlerancia; pilares fundamentais do noso centro educativo.
Esperamos que disfrutedes deste primer programa tanto como nos grabandoo.
Para escoitalo só tedes que premer no seguinte enlace:
https://go.ivoox.com/rf/102928589
Estas semanas de tanto frío, estamos a traballar o inverno por medio de diferentes actividades relacionadas coa neve.
Creamos neve usando bicarbonato e auga:
Disfrutamos de diferentes mesas sensoriais:
E creamos os nosos propios copos de neve:
Xunta de Galicia - Consellería de Cultura, Educación e Ordenación Universitaria, 2017 | ||
