Informamos ás familias da necesidade de instalar AbalarMóvil. AbalarMóbil é unha aplicación que se pode instalar tanto no teléfono móbil como nunha  tablet, e que permite ás familias consultar a información de calquera dos  seus fillos a través destes dispositivos.

 https://www.edu.xunta.gal/espazoAbalar/es/noticia/abalarmobil

11/09/2020

Informamos que  a partir do luns, 14 de setembro, o alumnado deberá traer a súa propia merenda e unha botella de auga (todo debidamente identificado co nome). Cada grupo realizará a merenda na súa aula.

En canto ao servizo de comedor, distribuiremos aos comensais en 3 quendas:

1ª quenda: de 13:30 a14:00 h.

Grupo 1 (titora Silvia Andión).

Grupo 6 (titora Nuria Garrote).

Grupo 7 (titora Zaida Pena).

2ª quenda: de 14:00 a 14:30 h.

Grupo 2 (titora Alicia Queiro).

Grupo 3 (titora Mª del Mar Pena).

Grupo 4 (titora Beatriz Caamaño).

Grupo 5 (titora Alba Becerra).

Grupo 8 (titora Noela Rivas).

3ª quenda: de 14:30 a 15:00 h.

Programas Formativos.

A disposición do alumnado no comedor será fixa durante todo o curso e mantendo a distancia de seguridade. O alumnado permanecerá no seu posto onde recibirá a bandexa co servizo completo. Este curso, de maneira excepcional, eliminarase a rutina do cepillado de dentes. Cando remate a súa quenda, os comensais permanecerán no espazo contiguo ao comedor (se chove no ximnasio) ata que sexan recollidos ou dirixidos ao transporte.

Para diminuír riscos, recomendamos a recollida do alumnado, ao rematar a súa respectiva quenda pola porta de comedor. 

As 14:55 h. é o horario límite de recollida do alumnado.

Con todas estas medidas, pretendemos garantir a seguridade do alumnado nesta situación de pandemia. 

Preme na seguinte ligazón para acceder:

https://www.edu.xunta.gal/portal/sites/web/files/enquisa_de_autoavaliacion.pdf

Seguindo as últimas instrucións recibidas, o día de inicio do curso para Programas Formativos será o 25 de setembro.

Estamos orgullosas de anunciar á gañadora do Premio Genuine de debuxo: Ana Isabel Pérez López. Moitos parabéns!!!!

https://www.laopinioncoruna.es/deportivo/2020/07/05/premio-genuine-debuxo-deportivo/1515546.html

Galicia mantén o inicio do curso escolar para o 10 de setembro, coa incorporación gradual das alumnas e alumnos.

Datas de incorporación no CEE Nosa Señora do Rosario:

- Alumnado de Educación Especial (Infantil, Primaria e ESO): 10 de setembro

- Alumnado de Programas formativos FP básica: pendente de confirmación

http://www.edu.xunta.gal/portal/node/31756

As Instrucións polas que se incorporan a declaración de actuacións coordinadas en materia de saúde pública aprobadas polo Consejo Interterritorial do Sistema Nacional de Salud Pública e a actualización das recomendacións sanitarias do Comité Clínico ao protocolo do 22 de xullo de adaptación ao contexto da COVID 19 nos centros de ensino non universitario de Galicia para o curso 2020-2021 poden consultarse no Portal Educativo, cos cambios resaltados respecto da anterior versión do Protocolo, na seguinte ligazón: 

http://www.edu.xunta.gal/portal/node/31754

Lembrámosvos aínda que sexa verán e esteamos de vacacións. Parabens!!

Desexamos que todas e todos pasedes un fantástico verán a pesar da estraña situación que estamos a vivir. Agradecémosvos o gran esforzo que fixechedes nestes singulares meses e contade con que toda a  información que vaia saindo de cara ao curso 2020/2021 será publicada nesta páxina. Igualmente podedes contactar con nós a través do correo electrónico cee.nosasenhora.rosario@edu.xunta.gal e do teléfono do centro 881961070.

Vémonos en setembro!

• Publicado no DOG do 9 de xullo a Orde do 25 de xuño de 2020 do Calendario escolar para o curso 20/21.
• Publicada na web da Consellería o Protocolo de adaptación ao contexto da covid 19 nos centros de ensino non universitarios de Galicia para o curso 2020-2021. Pincha no seguinte enlace: http://www.edu.xunta.gal/portal/node/31520. Estase a elaborar tamén un protocolo específico para os Centros de Educación Especial, que atenda as peculiaridades deste alumnado.
• Publicadas na web da Consellería as Instrucións do 30 de xullo en relación ás medidas educativas que se deben adoptar no curso académico 2020/2021 nos centros docentes da Comunidade Autónoma de Galicia nos que se imparten as ensinanzas da educación infantil, da educación primaria, da educación secundaria obrigatoria e do bacharelato. Pincha no seguinte enlace: http://www.edu.xunta.gal/portal/node/31636

28 DE XUÑO -  DÍA INTERNACIONAL DO ORGULLO LGTBIQ+

Ola a todos e todas,

Coma todos sabedes, ao longo do curso imos conmemorando numerosos días cos que buscamos o trato igualitario e a non discriminación de colectivos.

Na programación para este curso, esta semana tiñamos previsto realizar diversas actividades que fomentasen a igualdade de trato e a non discriminación de lesbianas, gais, transexuais, bisexuais, intersexuais e queer, coas que favorecer a visibilidade e integrar de forma transversal a diversidade afectivo-sexual.

Debido a situación de alerta sanitaria que estamos a vivir non puidemos realizar esta conmemoración  na escola, pero non queremos deixala sen festexar, xa que nos parece de grande importancia.

Por iso, o equipo docente preparou o material que aquí vos presentamos, co fin de que dende as vosas casas podades traballar un pouquiño estes contido.

Pulsa na imaxe para acceder ao Genial.ly

Esperamos que vos guste!

Unha forte aperta!

Esta semana e para finalizar, por este curso, co proxecto "construamos un futuro sen plástico" de Voz Natura, compartimos con vosco un Make It elaborado pola profe Sonia sobre a reciclaxe: (Pulsa na Imaxe para acceder)

Imaxe obtida en https://www.amarilloverdeyazul.com/dia-mundial-del-reciclaje-2018/

Por outra banda, recomendámosvos tamén o seguinte libro da editorial Kalandraka chamado "Plásticus Marítimus, Unha Especie Invasora". Trátase dunha guía de campo para concienciar sobre a contaminación por plástico e sensibilizar para un uso racional do mesmo. 

 (Pincha na imaxe para acceder)

Feliz verán de parte do equipo de Voz Natura. Vémonos pronto. Gozade moito do verán e lembrade: canto menos plástico empreguemos na nosa vida, máis nolo agradecerá a natureza.