try another color:
try another fontsize: 60% 70% 80% 90%
CEE Manuel López Navalón
A maxia da diversidade

COVID QUE TE VIN no Navalon

Interpretación da canción COVID QUE TE VIN do grupo Cholo e Nela &lonely hearts club band pola comunidade educativa do CEE MANUEL LÓPEZ NAVALÓN , alumnado e familias.

Non debemos baixar a garda ante o COVID19 e por iso trala interpretación da canción, temos uns consellos para coidármonos todos e todas durante o verán. Magnifico traballo de colaboración entre o profesorado e tamén de titoría coas familias.

Foi unha labor de equipo onde a acción titorial desenvolta polo profesorado propiciu estes magníficos resultados.

A Escola, o colexio debe ser un proxecto de colaboración entre os distintos sectores da Comunidade Educativa, e a Nova Escola da Nova Realidade, como se deu chamar a este tempo de postconfinamento, moito máis aínda. Unha escola que recupere á Natureza como Aula Magna e as relacións entre as persoas como ferramentas de coñecemento.

Agradecemos ao grupo de Cholo e Nela o tema do Covid, son tres profes un na Coruña, outro no Barco de Valdeorras e outro aquí en Santiago, que crearon o tema para darnos consellos sobre como facer co COVID.

E parabenizar a boa edición dos vídeos , un "traballón" do Equipo da Biblioteca do Navalón.

 

Parabéns a todas e todos e felices e coidadosas vacacións seguindo os Consellos do vídeo.

PD. Din os do Grupo de Cholo e Nela & Hearts Club Band que o fixestes (todas e todos) marabillosamente ben.

 

 https://youtu.be/cmcOabwgIXU

 

 

CENTRO DE RECURSOS. APPS DE INTERESE

Queridas familias:

Esperamos e desexamos que vos atopedes perfectamente, e que as consecuencias desta situación excepcional sexan as mínimas posibles nos vosos fogares. Dende o Centro de Recursos, queremos recordarvos que estamos á vosa disposición ante calquera dúbida e tamén para ofrecervos o noso apoio e asesoramento se o precisades. A continuación, atoparedes unha recompilación de aplicacións educativas e de entretemento clasificadas en distintas categorías. Todas as Apps seleccionadas son gratuítas, mais nalgunhas só será posible acceder a parte dos contidos e noutras será preciso rexistrarse. Nas táboas aparece tamén indicado en que sistema operativo se poden descargar, Android ou Apple.

Con este material, non pretendemos interferir na vida familiar nin solapar as tarefas dos centros educativos de referencia, tan só queremos ofrecervos actividades atractivas, lúdicas e variadas por se as precisades. Recibide unha gran aperta, moito ánimo e confiamos en que pronto chegará o día no que celebremos o noso encontro.

Para calquera consulta ou aclaración non dubidedes en poñervos en contacto connosco.

Silvia Anca  silviaanca@edu.xunta.gal

María Quintáns m.quintans.fondo@edu.xunta.es

Un cordial saúdo.

NOVO PAQUETE DE ACTIVIDADES E INDICACIÓNS DE PROFESORADO DE PROGRAMAS DA FPB

17/04/2020 21:27
29/04/2020 21:27

Estimadas familias:

No lado esquerdo da páxina web, no bloque Etapa Educativa nos grupos dos programas formativos GRUPO PFFB tedes instruccións dos novos paquetes de contidos subidos para o mes de Abril por parte do profesorado dos Módulos de Comunicación e Sociedade e  Matemáticas e Ciencia.  Nestas pestanas iranse cargando con carácter semanal ou quincenal diversos paquetes de contido para realizar durante o período de confinamento.

Na pestana de orientación encontraredes tamén certas pautas para o establecemento de horarios e rutinas a fin de establecer un ritmo diario de tarefas e actividades harmónico.

 

SERVIZO DE ASESORAMENTO. DEPARTAMENTO DE ORIENTACIÓN

Ola, Familias:

Agardo que todo vaia ben nestes momentos que nos tocou vivir e sobre os que case ningunha persoa tiñamos experiencia previa, agás as persoas máis maiores.

Nestes días estivemos traballando en activar e poñer en funcionamento este entorno virtual e canle de relacións entre todos os sectores que integramos a Comunidade Educativa do CEE Manuel López Navalón.

Dende o  Centro e o Departamento de Orientación activamos este servizo a fin de implementar os servizos educativos ás familias e achegar o asesoramento, axuda e colaboración nestes momentos que estamos a vivir.

Todo vai saír ben.

Saúdos 

Xefe Dpto. de Orientación

Carlos L. Rodríguez Calvente

LAVADO DE MANS

LEMBRAMOS PARA TODOS OS NENOS E AS NENAS  E TAMÉN PARA  TODAS E TODOS A IMPORTANCIA DE LAVAR AS MANS CON AUGA QUENTE E NUN TEMPO DE 20 SEGUNDOS. 

AULA VIRTUAL E CONTIDOS EDUCATIVOS PERIODO DE CONFINAMENTO

Estimadas familias:

A suspensión da actividade lectiva implica a posta en funcionamento de alternativas que posibiliten propostas abertas para estimular a continuidade das aprendizaxes e o proceso de adquisición de competencias.

Dende o centro activamos nesta semana distintas propostas para facilitar o acceso a materiais par o desenvolvemento das distintas competencias clave.

Así na marxe esquerda desta páxina en ETAPA EDUCATIVA, poden acceder ás recomendacións feitas polas titorías da Educación Básica. Nestes grupos aparecerán enlaces e propostas da tutoras ao respecto a fin de manter unha continuidade  na actividade de nenos e nenas. 

Na parte superior esquerda da páxina web temos unha pestana que chama AULA VIRTUAL,  na aula virtual temos unha selección de contidos para a EDUCACIÓN BÁSICA e tamén para os PROGRAMAS FORMATIVOS da FPB, seleccionados e organizados na liña da proposta formativa de cada etapa, e tamén dende unha organización pensada dende un desenvolvemento das competencias.

A aula virtual e os contidos educativos estarán en revisión e actualización diaria neste período.

A fin de facilitar unhas pautas para este periodo que nos tocou vivir,  é importante establecer uns horariose e rutinas diarias e  considerar os accesos a materiais curriculares e educativos como unha parte das mesmas. 

A proposta educativa a realizar dende a familia pode ser moi relevante na medida que propoñamos, retos, propostas que recollan o interese de cada neno ou nena.

Nestas rutinas debemos incluír momento de adquisición de responsabilidades e competencias na autonomía persoal compartindo traballos nas tarefas da casa, momentos para a actividade física estruturada, exercicios de educación física, breves lecturas en libros axeitados de maneira que a estrutura do día teña unha estabilidade.

Coidémonos todas e todos.

 

 

COVID19

A promulgación do  estado de alarma co Real Decreto 463/2020, de 14 de marzo implica a activación de alternativas para o desenvolvemento de aprendizaxes na casa e como experiencias compartidas no ámbito familiar.

Dende o equipo educativo do CEE Manuel López Navalón realizaremos propostas que aparecerán referenciadas nesta páxina web do colexio Nas distintas sección de grupos ou aulas da etapa educativa correspondente.

Agardamos que esta tempada de vida na casa motivada pola guerra contra o COVID-19 afortale a solidariedade entre todas e todos  nós.

Saúdos e afouteza para este tempo complicado que estamos a vivir.

O CEE MANUEL LÓPEZ NAVALÓN ACADA O PRIMEIRO PREMIO DO III CONCURSO DE CARTEIS DO 8 DE MARZO DE 2020

Dende o colexio estamos  concienciados e concienciadas en traballar cada día a prol da Igualdade.

A principios de Xaneiro recibimos a convocatoria da Dirección Xeral de Educación, Formación Profesional e Innovación Educativa e a Secretaría Xeral de Igualdade dun Concurso de Carteis . 

Todo o colexio, en equipo, púxose mans a obra e velaí o resultado, na semana pasada comunicáronnos que acadaramos un primeiro premio que fomos recoller a Vigo este mércores 4 de Marzo.

"O cambio comeza por Nós" todas e todos a unha pola igualdade.

Parabéns, equipo!!!! TABOLEIRO  CARTELCARTEL GAÑADOR

Distribuir contido