Este día celebramos na biblioteca o centenario do nacemento de Charles Dickens, aclamado como un dos mellores escritores en lingua inglesa e cuxas novelas, adaptadas profusamente ao cine e teatro, convertéronse en grandes clásicos da literatura universal. Fragmentos delas foron leídos na biblioteca polo alumnado de ESO.
Foi un escritor xenial e, despois de Shakespeare, o mellor inventor de personaxes. Algúns son, dende hai moito tempo, arquetipos, como Ebenezer Scrooge, Pip e a Señorita Havisham ou Fagin e Oliver Twist. Nas súas obras amosounos que a xente do común é tan interesante como a xente rica, famosa e fabulosa.
Non sempre nos cruzamos polos pasillos do centro cun "medalla de ouro", pero ese galardón é o que ven de acadar Sergio Trillo no Campionato de España junior, categoría de menos de 100 quilos. Compaxinar estudos e excelencia en deporte ou arte non é doado, pero Sergio (segundo pola esquerda) é un dos que o consigue. Iremos falando deles e delas na nosa web. Parabéns Sergio!
Aberto o proceso de admisión de alumnado ao centro, anúnciase que por decisión do seu Consello Escolar o centro non puntuará polo criterio complementario (Artigo 28 da Orde). As prazas ofertadas para o vindeiro curso pódense consultar 
Os alumnos da materia Economía de Empresa de 2º bacharelato visitaron o martes 12 as instalacións que Inditex ten en Arteixo, na que puideron observar os diferentes departamentos desta exitosa empresa: Compras, Deseño, Patronaxe, Marketing e Publicidade, Corte, Produción e Loxística.Tamén visitaron a Facultade de Economía no campus de Elviña, onde foron recibidos polo Decano que lles ensinou as instalacións e lles falou da súa oferta formativa e os servizos que a facultade pon a disposición dos alumnos.
O alumnado de 4º de ESO e 1º de Bacharelato con interese na ciencia, a tecnoloxía e a innovación pode optar a unha das 1 808 prazas para participar en proxectos científicos deseñados por profesorado universitario e desenvoltos en departamentos de investigación de 16 Campus de Excelencia Internacional e Rexional entre o 30 de xuño e o 27 de xullo de 2013. Animádevos! Máis información 
A solidariedade pola situación de crise trae iniciativas como a dos Bombeiros de Ferrol-Narón, de recollida de alimentos non perecedeiros para a Cociña Económica e a asociación Adra.
