IES SAN TOMÉ DE FREIXEIRO

O alumnado do IES San Tomé de Freixeiro proclamouse campión do Certame de Regueifas 2024 organizado polo Servizo de Normalización Lingüística do Excmo. Concello de Vigo.

O venres 26 de abril, un pequeno grupo de rapaces e rapazas do IES foron con toda a ilusión do mundo participar no dito certame, acompañados de dúas profesoras de Lingua galega.

Había un total de 8 institutos participantes, e o noso chegou á semifinal con 6 candidatos dun total de 15.

A vitoria xa se ulía e, así foi! Seleccionaron catro participantes e dous deles eran do San Tomé!

Ao final, fixémonos coa ansiada “regueifa”, que compartimos todos xuntos ao chegarmos ao centro, onde fomos recibidos cunhas agarimosas apertas e parabéns!

Parabéns novamente a todos e todas!

No IES San Tomé hai unha canteira de regueifeiros/as espectacular!

Que sigan así! É este o mellor agasallo que se lle pode facer á nosa lingua!

Moitas grazas á profesora Lucía Alonso por se encargar de solicitar en tempo e forma os obradoiros e tamén ao profesor Miguel Doiro por facer posible estes obradoiros e darnos o agasallo inmaterial de asistir ao Certame, ao xa noso Certame!

Publicada a listaxe provisional de alumnado seleccionado e suplente e a listaxe de solicitudes que precisan de remisión de documentación relacionada coas comprobacións segundo o establecido no artigo 8.1 (apartados c,d,e,f) segundo o establecido no artigo 16.3 da Orde do 29 de xaneiro de 2024, pola que se convocan axudas para a realización de actividades formativas en linguas estranxeiras no ano 2024, destinadas ao alumnado dos centros docentes sostidos con fondos públicos, en réxime de concorrencia competitiva. (DOG do 12/02/24).

https://www.edu.xunta.gal/portal/node/42968

Temos que celebrar o éxito acadado polo departamentode tecnoloxía durante a mañá do venres, na UVigo onde cincocentos estudantes de varias provincias galegas participaron na sétima competición de robots celebrada na Escola de Inxeñería Industrial. O noso alumnado de bacharelato conseguiu impoñerse a varios equipos nas diferentes probas deseñadas na categoría de Be-Robot, acadando ao mellor equipo da categoría feminina, e tamén O PRIMEIRO PREMIO e SEGUNDO PREMIO de bacharelato .

Aínda que o profesorado é o impulsor das iniciativas sen a implicación,  traballo e compromiso do alumnado non sería posible acadar estes logros.

Parabéns para todos/as!!

O venres 19 de abril un grupo de alumnos/as acompañados polo profesor de Economía Víctor Garví participaron en Madrid na final da competición educativa  " Young Business Talents"  que convocou a 343 xóvenes procedentes de 84 centros docentes. Este ano o alumnado dos dous equipos, EKONOCRACS e KEIZHAI, conseguiu acadar o premio de grupo e ademáis QUEDARON SEGUNDOS E CUARTOS NA FINAL NACIONAL.

Parabéns para eles!!

Video

Co motivo do Día Internacional contra o Acoso Escolar as titorías da ESO traballarán o tema asesoradas polo Departamento de Orientación

Bolsas Eurolingua para a realización de cursos de Inglés en Irlanda -->  Becas Eurolingua.

• Dúas semanas durante o verán,
• Programa de inmersión todo incluído
• Dirixido a estudantes de Secundaria, Ciclos e Universidade.

Prazo de solicitude

Entre o 19 de marzo de 2024  e o 10 de maio de 2024 ás 15:00 h.

• A través da sede electrónica do Ministerio de Educación, Formación Profesional e Deportes; autentificación por dúas vías.
• Mediante usuario (DNI o NIE) e contrasinal establecida polo/a usuario/a no momento de rexistrarse. 
• Mediante certificado electrónico - Cl@ve. 

Co fin de informar sobre as probas ABAU e o proceso de admisión para o curso académico 24/25, achegámoslle uns videos curtos "Falemos da ABAU", creados pola Universidade de A Coruña, que esperemos que sexan de utilidade para o alumnado.

• Parte I: Contexto da ABAU
• Parte II: Proba de acceso
• Parte III: Proceso de admisión

O Departamento de Orientación e a Vicedirección coordinaron a visita guiada para o alumnado de 2ºBAC ao campus da Universidade de Vigo. 114 alumnos/as percorrieron ás instalacións e seguiron as explicacións polos distintos itinerarios tecnolóxico, científico, humanístico e xurídico e económico.Ver fotos.

En reunión de Consello Escolar celebrada o 26 de febreiro de 2024 definíronse os criterios para a selección de alumnado proposto polo IES San Tomé de Freixeiro para optar ás bolsas Europa Santander.

Estes criterios son:

1. Selección de alumnado a considerar: Alumnado con cualificación media superior a 9 en ESO --> 15 alumnos/as cumpren este criterio.
2. Orde deste alumnado seleccionado: Cualificación media no primeiro trimestre de 1º Bacharelato --> 3 alumnos seleccionados/propostos e 12 alumnos/as suplentes.

A listaxe que relaciona o alumnado seleccionado/proposto e o alumnado suplente atópase publicada no vestíbulo do centro