Pais/Nais
Bioloxía e Xeoloxía
Dª Olga Mijón Pedreira. Xefa de Departamento
D Raúl Matos Conde
Dª Luis Miguel Pérez González
Programacións didácticas 23-24
Visita Didáctica Ás Illas Cíes
admin — Mar, 21/06/2022 - 13:25
O 17 de xuño, o alumnado de 4º ESO A e B participou nunha actividade extraescolar organizada polo Departamento de Bioloxía e Xeoloxía. Os alumos/as estiveron acompañados polas profesoras Andrea Rolo, Pilar Álvarez e Olga Mijón, Na visita didáctica ao Parque Nacional das Illas Atlánticas de Galicia realizouse un percorrido guiado pola Illa de Monteagudo e a Illa do Faro. Durante o itinerario recibiron información en relación aos procesos da formación das rías, dunas, praias, cantís, formas do relevo, e sobre as colonias de aves, flora do parque e especies dos fondos mariños, salientando a importancia de preservar un espazo natural.
Obradoiro de RCP
admin — Lun, 20/06/2022 - 09:40
O día 8 de xuño, coincidindo coa inauguración do Congreso Nacional de Medicina de Urxencias e Emerxencias no Auditorio Mar de Vigo, celebrouse un obradoiro de Reanimación Cardiopulmonar ao que asistiu o noso alumnado de 3º ESO. A actividade estivo a cargo de Susana Puente, profesora do departamento de Educación Física e de Andrea Rolo, profesora do departamento de Bioloxía e Xeoloxía. As dúas impartiron durante este curso clases de RCP no centro para o seu alumnado de Anatomía Aplicada e de Educación Física.
Charla "Aspectos Medioambientais na Explotación de Recursos"
admin — Ven, 08/04/2022 - 17:03
O alumnado de 2º de Bacharelato que cursa a materia de Ciencias da Terra e do Medio Ambiente recibiu unha charla sobre os aspectos medioambientais na explotación de recursos, impartida por Iago Pozo, Subdirector de Relacións Exteriores da Escola de Minas e Enerxía da Universidade de Vigo. Abordáronse os impactos ambientais derivados da explotación dos recursos mineiros, como se consigue realizar unha explotación sostible e achegáronse exemplos da reutilización de espazos mineiros. A actividade estivo a cargo de Olga Mijón, profesora do departamento de Bioloxía e Xeoloxía.
SEMANA DA CIENCIA 2021-22.
admin — Mar, 21/12/2021 - 00:38
A semana pasada celebramos a primeira Semana da Ciencia do IES Rosais 2. Os Departamentos de Ciencias organizaron actividades, experimentos e xogos nos que participou activamente o alumnado da ESO e Bacharelato durante os recreos. Desta forma experimentaron e viron de forma práctica a utilidade de moitas das cousas que estudian e ven de forma máis teórica nas clases. No seguinte vídeo tedes algunhas das actividades que fixemos e pode verse a motivación e o interese da comunidade educativa, o que nos anima a repetir este tipo de citas científicas.
CHARLA PROXECTO CLIMILLAT.
admin — Dom, 24/10/2021 - 18:23
O alumnado de Ciencias da Terra e do Medio Ambiente participou na charla informativa e coloquio online do proxecto CLIMILLAT. O relator Alberto González, investigador coordinador do proxecto, vinculado á Fundación Matrix da Universidade de Vigo, expuxo os resultados dunha investigación pioneira sobre a realidade do cambio climático no Parque Nacional das Illas Atlánticas de Galicia e os concellos da súa área de influencia, concienciando da importancia de fomentar comportamentos sostibles co medio ambiente. Esta actividade foi organizada pola profesora do Departamento de Bioloxía e Xeoloxía, Olga Mijón Pedreira.
RECURSOS MINERAIS EN GALICIA.
admin — Mér, 28/04/2021 - 21:41
O 27 de abril contamos coa presenza de Elena Alonso, Directora da Escola de Minas e Enerxía da Universidade de Vigo, que impartiu unha charla sobre “Recursos Minerais en Galicia/España” para o alumnado de 2º de Bacharelato B que cursa a materia de Xeoloxía.
CONCURSO PANCARTA
admin — Xov, 08/04/2021 - 18:47
CONCURSO PANCARTA
Co motivo de publicitar a nosa campaña de tratamento de residuos, o Departamento de Bioloxía e Xeoloxía convocou un concurso entre o alumnado para deseñar unha pancarta que se colocará na entrada do centro. Entre as opcións presentadas, o xurado seleccionou como gañadora á presentada pola alumna Desireé Rodríguez de 1º Bacharelato. Así mesmo, o alumno Xacobe Álvarez de 3º de ESO foi destacado cunha mención honorífica. Parabéns aos dous!
Pancarta gañadora.
CAMPAÑA DE RECICLAXE DE MÓBILES PARA PROTEXER OS ECOSISTEMAS AFRICANOS
admin — Xov, 08/04/2021 - 17:59
CAMPAÑA DE RECICLAXE DE MÓBILES PARA PROTEXER OS ECOSISTEMAS AFRICANOS
Como parte do noso compromiso co medioambiente, ademais da campaña de tratamento de residuos, Raúl Matos, profesor do Departamento de Bioloxía e Xeoloxía, comezou outra campaña de recollida de móbiles usados para a súa reciclaxe. Os móbiles conteñen unha enorme variedade de materiais potencialmente prexudiciais para o medioambiente e procedentes, en gran parte, de minas e explotacións de países do terceiro mundo. Alí causan un grave impacto ecolóxico, poñendo en perigo aos ecosistemas locais e deteriorando gravísimamente a calidade de vida da poboación. Desgraciadamente, tamén é moi habitual a utilización de man de obra infantil, e/ou semiescrava, na extracción destes recursos. Coa recollida dos móbiles e a reciclaxe dos seus compoñentes pretendemos colaborar, a través da asociación Jane Goodall, en minimizar estes problemas. Esta asociación, encárgase de investir os cartos xerados na recollida e reciclaxe dos móbiles en programas de escolarización e na protección das poboacións de primates na República do Congo. Como motivación, por cada 30 móbiles recollidos poderemos apadriñar a un chimpancé. A campaña está sendo un éxito, xa temos o primeiro apadriñado e dous máis veñen de camiño.
ATRÉVETE A RECICLAR
admin — Xov, 25/03/2021 - 20:31
ATRÉVETE A RECICLAR
Este curso iniciamos no IES Rosais 2 unha campaña de tratamento integral dos residuos xerados no centro debido á nosa actividade. Coa participación de toda a comunidade educativa preténdese dar un tratamento específico a cada tipo de residuos. Instaláronse no centro diferentes colectores para recoller tanto o papel usado, coma os plásticos procedentes de envases e envolturas de merendas, así como materia orgánica, fundamentalmente restos de comidas. Os plásticos e o papel recollidos irán a colectores específicos do exterior para a súa reciclaxe e a materia orgánica será destinada ao composteiro para ser utilizada na nosa horta escolar. Esta iniciativa foi impulsada polo profesor Raúl Matos, do Departamento de Bioloxía e Xeoloxía. Cabe destacar a implicación do alumnado na iniciativa, tanto na súa publicidade no centro (foron alumnos/as de 1º de Bacharelato os que levaron a cabo charlas nas diferentes aulas informando da posta en marcha da campaña e de como sería o procedemento) como no funcionamento diario da mesma. Grazas, chicos/as!
Buscar
Blogs do centro
Redes Sociais
Proa+