Desde o ENDL dinamizouse a actividade de rotular as aulas e espazos comúns do Centro con nomes de persoeiros da nosa cultura.

Durante este mes , no taboleiro do ENDL estivo exposta información sobre a tradición do Nadal en Galicia e sobre a figura do APALPADOR, descoñecida para moitos.

  Recibimos a Santi Gutiérrez no Instituto o día 23 de novembro.O alumnado de 4º de ESO participou na creación dun cómic inventando unha historia á que o ilustrador ía dando vida cos seus debuxos. A actividade foi realizada polos departamentoe de Lingua Galega e Plástica.

Santi Gutiérrez dedícase profesionalmente ao debuxo dende 1993. Realiza diariamente dende entón viñetas de humor gráfico e caricaturas de prensa para multiples cabeceiras .Ilustra artigos, reportaxes, libros e cómics para revistas e editoriais; e realiza debuxos de campañas gráficas e animación para empresas de publicidade e produtoras de audiovisual. É membro fundador do estudo Baobab e presidente da AGPI dende xaneiro de 2008.

Santi Gutiérrez debuxando un dos seus personaxes.

Coa axuda da profesora de Plástica , o alumnado do ENDL creou unha mandala cos froitos do outono para ambientar o Samaín e dar a coñecer o nomes de árbores e froitos autóctonos.

MURAL INFORMATIVO SOBRE A ORIXE DESTA TRADICIÓN.

O ENDL RETOMA A ELABORACIÓN DE CALENDARIOS PARA AS AULAS.

 Descrición  da actividade:

 En colaboración co Departamento de Galego elaboraremos durante todo o curso uns calendarios para as aulas e os lugares comúns. Estes calendarios son de carácter mensual (en tamaño A3 e plastificados) e ofrecen información sobre datas sinaladas, cuestións de lingua, refráns e datos sobre literatura e autores galegos. Son nove almanaques, tres por trimestre.

Obxectivos

Normalizar a lingua escrita, tentando que o alumnado asimile a nomenclatura dos meses e dos días da semana na forma galega, deixando de usar os castelanismos.

Dar a coñecer datos sobre a nosa literatura e cultura.

Informar das actividades do Instituto.

Destinatarios:

Toda a comunidade educativa.

Por segundo ano consecutivo Cándido Pazó estivo connosco, facéndonos rir a máis non poder.