Recepción grupo Noite Bohemia no Concello

Durante a recepción, o rexedor lembrou que o teatro clásico “é unha fonte de coñecemento porque nos ensina a verdadeira compaixón, o com-pathos: ensínanos a sentir co outro e coa outra. Ensínanos a poñernos no seu lugar e convértenos en cidadáns dignos de habitar a polis. Convértenos en cidadás e cidadáns compasivos”. Ao fío, Ferreiro, quen destacou a aposta do goberno local pola descentralización da programación municipal cultural, da actividade en rúa e do apoio ao tecido creativo, agradeceu ao grupo o seu traballo “por manter viva a cidade e a súa cultura, e por traer á Coruña unha sabedoría que forma parte de cadaquén". "Grazas por lembrarnos quen somos e de onde vimos”, apuntou o alcalde.