A Resolución Definitiva do Fondo Solidario de Libros de texto  e axudas de material para o curso 22_23 xa está `publicada e pode consultarse no taboleiro do centro ou a través da web Fondolibros (necesaria chave 365 ou certificado dixital)

Os "VALES DE AXUDAS PARA ADQUIRIR  MATERIAL ESCOLAR" PODEN RECOLLERSE NO CENTRO ATA O 29 DE XULLO EN HORARIO DE 9:30 A 14:00H

A Resolución Provisional do Fondo Solidario de Libros de texto  e axudas de material para o curso 22_23 xa está `publicada e pode consultarse no taboleiro do centro ou a través da web Fondolibros (necesaria chave 365 ou certificado dixital)

Peíodo de reclamacións: Martes 12 e mércores 13 de xullo

Lembramos que: O alumnado de 1º, 2º, 3º e 4  de ESO como  temos o proxecto de educación dixital Edixgal en todos os cursos,  soamente puido solicitar as axudas de material escolar.

Un saúdo 

A Dirección

 Vense de publicar a  ORDE do 29 de ABRIL de 2022  pola que se regula a participación no  fondo solidario de libros de texto  e se convocan  axudas para adquirir  material escolar 

ACHÉGASE INFORMACIÓN AO RESPECTO

Un saúdo

A Dirección

O xoves 9 de decembro, entre os dous recreos,  fixemos unha actividade no centro promovida e organizada pola Sede “Afundación” Pontevedra, na que viñeron 3 artistas a traballar co alumnado de 1º ESO, 4º ESO e o grupo da Sección Bilingüe de 3ºA.

Fixéronse dous talleres simultáneos, un mural para a Aula de Proxectos cos deseños do alumnado de 4º ESO feitos en Plástica, e un obradoiro de pintado de bolsas de tela co alumnado de 1º de ESO. Empregáronse pinturas especiais, ecolóxicas, que absorven o CO2, co cal foi unha experiencia diferente para todos/as. Tiveron a oportunidade de aprender de 3 grandes artistas, David, Marta e Pablo, que acompañaron en todo momento ao alumnado.

Esta actividade foi posible grazas aos profesores/as que cederon as súas clases para levala adiante, Montse, Esperanza e Fernando e ao centro por afrontar o custe económico.

Aquí deixamos unhas fotografías.

Achegamos actividades que organiza o concello de Meaño con motivo do Dia Internacional da violencia de xénero, por se son de interese da comunidade educativa.

Como todos os anos no IES de Meaño comezou o programa titorando, no cal un/ha alumno/a voluntario/a de 3º ESO titoriza a outro/a de 1º ESO. A finalidade desta actividade é facilitar a integración e adaptación do novo alumnado. Este curso, aínda que as medidas son menos estrictas, tivemos que volver a adaptar este programa aos protocolos sanitarios. As reunións presenciais terán lugar durante os 15 min de lectura en diferentes quendas. O cambio respecto ano pasado é que non haberá o chat pero sempre poderan utilzar a conta de correo eléctronico para manter un contacto informal sempre que queiran. 

O vindeiro 19 de novembro o IES de Meaño participará vía streaming da campaña Toponimízate. Coñece os nomes da túa terra co fin de difundir e salvaguardar os nosos nomes de lugar. Trátase dunha campaña coordinada pola Real Academia Galega en colaboración coa Secretaría Xeral de Política Lingüística.

Para iso Vicente Feijoo, especialista en toponimia do Seminario de Onomástica da RAG, vainos falar da riqueza de nomes da nosa terra e do risco de se perderen se non se recollen a tempo. Tamén vai presentar a aplicación colaborativa “Galicia Nomeada” que nos permitirá, a través do móbil, colaborar na recollida e xeolocalización dos nomes de leiras, regos, fontes, penedos… antes de que se poidan perder por diferentes motivos.

Ademais falará da orixe e significado que agocha algún dos nomes de Meaño.

Animámosvos a participar na recollida deses nomes que acompañaron oso nosos devanceiros e esta terra desde hai xa tanto tempo.

LIGAZÓN A EMISIÓN EN STREAMING