Alumnado de segundo curso de diferentes ciclos do IES Leliadoura tivo a oportunidade de visitar o Viveiro de Empresas, espazo Coworking e formación do concello de Boiro. Foi este un dos punteiros da comarca do Barbanza en canto á formación e dispoñibilidade de espazo para o alumnado emprendedor.
Durante a visita, puideron coñecer da man do técnico de emprego e persoal da corporación municipal como é o seu funcionamento, as inciativas que neste momento están en curso e os trámites que se deben levar a cabo no caso de querer emprender.
