Ribeira, 13 de febreiro de 2019. Convidad@s por Normalización Lingüistica do Concello de Ribeira, alumnado e profesorado de Xestión administrativa e Administración e finanzas, visitamos a obra 'A derradeira lección do mestre' de Castelao no Museo do Gaiás de Compostela.
Este obra de Castelao, pintada en 1945 en Bos Aires, baséase na estampa número 6 do libro 'Galicia Mártir', na que retrata a un mestre asasinado ante dous mozos conmocionados e segundo os expertos, o cadro fíxose como unha homenaxe ó seu amigo e intelectual Alexandre Bóveda, fusilado o 17 de agosto de 1936.
O álbum, "Galicia Mártir" composto por 10 estampas debuxadas a tinta chinesa e que relatan en dez imaxes cun breve título en galego manuscrito os horrores do golpe de estado e a brutal represión franquista en Galicia, foi pintado polo artista rianxeiro e publicado en Valencia no 1937. Está dedicado "Aos galegos que andan pol-o mundo" e así o explica o propio Castelao:
O cadro, custodiado polo Centro Galicia de Bos Aires, nunca antes saíra da Arxentina. Agora, máis 70 anos despois da súa creación e máis de 80 da creación do álbum, tivemos ocasión de velo por primeira vez en Galicia na exposición Castelao Maxistral da Cidade da Cultura.
