Blogue de Secretaría

O alumnado de Relixión e Portugués de 4º da ESO e 1° de Bacharelato foron coñecer dous tesouros da nosa provincia: o mosteiro de Samos e o poboado do Cebreiro.

Nunha xornada na que o tempo axudou a que estes lugaren lucisen máis fermosos, os nosos rapaces e rapazas percorreron un tramo do camiño,  coñeceron a lenda do Grial e foron acompañados por un monxe polo interior do mosteiro.

Ademáis de gozar da natureza, houbo tempo tamén para unha competición por equipos na que tiñan que demostrar o aprendido durante o día e os gañadores puideron degustar unhas deliciosas galletas do mosteiro.

A alumna do IES de Foz Ileana Bernardi acadou o segundo posto no I Concurso Gastronómico celebrado en Turquía. Na competición participaron dezasete escolas de diferentes países de Europa. 

Ao acudir ao concurso, a alumna do ciclo de Servizos viviu unha boa experiencia internacional que sen dúbida lle servirá para mellorar as súas competencias.

Esta actividade está encadrada dentro do programa Erasmus+ que ofrece a posibilidade de asistir a concursos ao alumnado de ciclos formativos.

O IES de Foz recibiu unha mención especial na VII edición do concurso 'Cantamos con las manos' da Federación de Asociacións de Persoas Xordas de Galicia. Alumnado e profesorado do instituto participaron na elaboración dun vídeo ao son da canción 'Morriña', do grupo Baiuca.

O premio do xurado foi para o CRA de Culleredo, na Coruña, e o premio do público para o CEIP de Ardán, en Marín. As outras mencións recibíronas o CEIP Novo Mesoiro da Coruña, e o IES Xesús Taboada Chivite, de Verín.