Navegando polo Universo

O alumnado de 2° de ESO participou onte 20 de decembro na actividade 'Navegando polo Universo' da man de Íñigo de la Quadra-Salcedo

No interior do seu planetario móbil, unha cúpula semiesférica de cinco metros de diámetro que consta dun proxector de última xeración, realizamos unha viaxe a través do cosmos. Ademáis de contemplar a nosa galaxia, a Vía Láctea, puidemos observar a estrela polar, a Osa Maior, os movementos dos corpos do Sistema Solar, achegarnos á superficie do Sol e mesmo á cara oculta da Lúa. 

Grandes figuras do mundo da ciencia e da astronomía, como Eratóstenes, Ptolomeo, Copérnico Galileo ou Newton, tiveron tamén o seu protagonismo nesta fantástica sesión coa que rematamos as actividades de 2023 do proxecto 'Un camiño  de Santiago cheo de vida' .

Velaquí unha breve reportaxe fotográfica da xornada:

 

Encontros literarios

Encontros literarios do primeiro trimestre

Neste primeiro trimestre do curso, as profesoras de lingua castelá partiparon co seu alumnado en encontros literarios coas autoras Alba Cid, Rosa Huertas, Alba Guzmán e Mónica Rodríguez.
No blog da BiblioFerro podedes acceder a información máis detallada destas actividades e tamén a algunha imaxe.
 

Aula Newton

O alumnado de física e química de 4º de ESO, acompañado dos profesores Rafael Nóvoa e Ana Reboiro, acudiu o pasado 30 de novembro á Aula Newton situada no Parque Tecnolóxico de Galicia para realizar a actividade Volando con números: unha aventura aérea.

Nesta actividade os estudantes recibiron una misión do Centro Integrado de Atención a Emerxencias da Axencia Galega de Emerxencias (AXEGA), que consistiu en colaborar na observación de diversas ubicacións de Ourense e Pontevedra para axudar a establecer as prioridades das misións de rescate.

O alumnado tivo que facer uso da física e das matemáticas para elaborar un plan de voo co que manexar correctamente un simulador aéreo. 

Medir distancias entre localidades, interpretar a escala dun mapa, estimar os tempos de voo e indicar o rumbo a seguir foron algunhas das tarefas que a tripulación tivo que realizar para completar de forma exitosa a misión. 

Deixamos aquí unhas imaxes da xornada.

 

25 de novembro

A programación do Día internacional para a eliminación da violencia contra as mulleres ten como lema Encarar TODAS as formas de violencia de xénero.

Con este lema, a Concellería de Igualdade do Concello de Ourense desenvolverá diferentes propostas, como Escape Room e contacontos para alumnado de Primaria e Secundaria, unha exposición fotográfica e un curso de autodefensa.

Días 20, 21 e 22 de novembro.

· Escape Room contra a Violencia de Xénero: Rexeita o maltrato, nos IES Ferro Couselo, O Couto e Prieto Nespereira. Dinamiza: Territorio Comanche.

Coa axuda do videoclip da canción "PICANME OS OLLOS" da artista galega Guadi Galego & Depedro, o noso alumnado reflexionou sobre a necesidade de actuar ante as situacións de violencia ou inxustizas para construir o futuro que queremos.
Tomando como referencia a letra da canción , uniron todos os espazos do centro educativo, mostrando o seu compromiso en contra da Violencia de Xénero. #25N#aFERRateanOnviolencia

Ligazón ao video

 

 

Exposición AstrónomAs

Esta historia comezou hai miles de anos, cando as nosAs antepasadAs miraron cara o ceo e observaron o Sol, a Lúa e as estrelas. Durante anos, outras mulleres seguiron observando o universo facendo interesantes e importantes descubrimentos. 

Vas iniciar unha viaxe da man destas mulleres que te levará a descubrir moitos dos misterios da Astronomía que elas desvelaron con bravurAAlegría e Afán. 

Con este texto comeza a exposición virtual AstrónomAs, centrada en máis de trescentas mulleres dedicadas ao estudo da Astronomía e da Astrofísica e que traballan nalgún dos catorce temas arredor dos que se estrutura a mostra, entre eles, os cúmulos estelares, a física de astropartículas e a cosmoloxía. 

Estes días podemos visitar nos corredores do instituto o formato físico imprimible desta exposición, que xorde como unha continuación de Con A de AstrónomAs nacida no Ano Internacional da Astronomía 2009 e que percorreu durante doce anos museos e centros educativos de todo o país. 

A renovación daquela existosa mostra foi realizada por un equipo interdisciplinar de profesionais de diferentes ámbitos, coa colaboración da Fundación Española para a Ciencia e a Tecnoloxía (FECYT) e a Sociedade Española de Astronomía (SEA). 

Con esta exposición continuamos as actividades do proxecto Camiño de Santiago cheo de vida, no que participan as profesoras Ana López, Salud Gago, Ana Reboiro e María José González, xunto con profesorado de centros de Almería, Tenerife e Murcia. 

Este curso, no noso instituto, ademais de traballar co alumnado aspectos do patrimonio histórico, cultural e natural das vilas polas que transcorre o Camiño de Santiago ao seu paso pola provincia de Ourense, realizaremos varias actividades arredor da astronomía e do Camiño das estrelas

Nesta ocasión, o alumnado de 2º e de 3º de ESO resolveu un tríptico-cuestionario sobre a exposición AstrónomAs. Tivo que ler polo miúdo e seleccionar a información dos paneis, redactar correctamente as respostas e tamén indagar no formato virtual da exposición.

Velaquí unha mostra da actividade:

 

Coñece Ourense

Como xa ben sendo tradicional no Ferro Couselo, o Departamento de Xeografía e Historia participa no programa da Deputación Provincial "Coñece Ourense"
 
En cursos anteriores visitamos a Ribeira Sacra, as terras de Ribadavia e as bisbarras de Celanova e Bande. Neste curso os profesores Óscar Vilas e Iago Saco partimos o pasado 9 de novembro co alumnado de 4º de ESO cara Verín para coñecer de primeira man e amosarlles do xeito máis lúdico e interesante posible, mostras do patrimonio material histórico artístico da zona, como o conxunto do Castelo de Monterrei, as rúas e prazas da vila, a igrexa de Santa María a Maior ou a igrexa de Santa María de Gracia de Monterrei. 
 
Visitamos tamén o balneario de Caldeliñas, actualmente abandonado pero con un interesante valor histórico, e as actuais factorías de Sousas e de Cabreiroá. Nesta última agradecemos a interesante visita guiada que nos ofreceu un traballador cualificado da empresa.
 
Cómpre salientar o bo comportamento xeral do alumnado, así como o alto interese e participación nos xogos e na xincana polas rúas da vila de Verín. 
Os obxectivos marcados para esta saída didáctica cumpríronse de xeito destacado.
 
A continuación as imaxes do día.

 

Boletíns de cualificacións

Por decisión do claustro de profesorado e co obxectivo de reducir o consumo de papel no centro, os boletíns de cualificacións entregaranse únicamente en formato dixital, a través da aplicación ABALAR.

A entrega das notas en papel quedará unicamente para aquel alumnado que non dispoña da aplicación ABALAR ou o solicite enviando un e-mail ao centro. 

As notas finais (ordinarias e extraordinarias) sempre se entregarán nos dous formatos, papel e dixital.

A entrega de notas  farase como se indica no cadro:

YAM: PROGRAMA DE PREVENCIÓN DO SUICIDIO NA MOCIDADE 2023-2028, COFINANCIADO POLA UNIÓN EUROPEA.

O noso centro foi seleccionado para participar no proxecto Youth Aware of Mental Health (YAM) centrado na creación de grupos de discusión e de resolución de conflitos e apoio por parte dos propios pares (menores entre 12 e 16 anos) nos centros escolares, dirixidos por persoal instrutor con experiencia no traballo con persoas mozas.

Neste curso o programa vai dirixido ao alumnado de 3º ESO. Dito alumnado LEVOU A CASA O MARTES 21 unha carta con información para as familias e o impreso de consentimento.

O consentimento de participación será solicitado por un mebro /a do equipo de investigación do proxecto que a maiores informará e resolverá calquera cuestión ou dúbida nunha reunión a que quedan invitados tantos as familias como o alumnado de 3º ESO que o desexe.

DATA DA REUNIÓN: MARTES 28

HORA : 20:000H

LUGAR: AULA DE MÚSICA

PONENTE: Persoal INSTRUCTOR do YAM

Para máis información podedes consultar a web do proxecto que atoparedes na ligazón:   https://www.sergas.es/Asistencia-sanitaria/YAM

e no QR do díptico para os pais /nais /titores legais

 

 

 

Proxecto agrupacións escolares: Un Camiño de Santiago cheo de vida

Digital Week 2023

Para ver imaxes das actividades do alumnado participante, preme no enlace á páxina web:

www.playandsay.org

Accede ao blog, escolle a semana 6 e introduce o contrasinal  6Dixpe.

Distribuir contido