IES POETA DÍAZ CASTRO

A Consellería de Cultura, Educación e Universidade ven de publicar a Orde que regula o procedemento para distribución de máscaras entre o alumnado.

Será beneficiario deste reparto o alumnado que resultou beneficiario das axudas de material escolar.

O resto do alumnado, deberá cursar solicitude e cumprir o requisito de pertencer a unha familia con renda per cápita igual ou inferior a 6.000 €, ou estar matriculado en educación especial, ou suxeito a tutela ou garda da Xunta de Galicia ou ter unha discapacidade igual ou superior ao 65 %, con indepencia da renda familiar.

O prazo de presentación de solicitudes remata o 26 de novembro de 2021. Deberán achegar, xunto coa solicitude (Anexo I):

a) Documento de comprobación de datos (Anexo II).

b) Copia do libro de familia onde figure o alumno/a e os demais membros computables da unidade familiar.

c) Certificado do grao de discapacidade, se fose o caso.

d) Documentacion xustificativa da situación de violencia de xénero, se fose o caso.

e) Resolución administrativa ou xudicial acreditativa da situación de acollemento, se fose o caso.

g) Certificado de convivencia, se fose o caso.

Información completa na ORDE do 28 de outubro de 2021.

ANEXO I

ANEXO II

Como a todo, a este curso tamén lle chegou o seu final. Foi sen dúbida un ano académico atípico no que todos os membros da comunidade educativa tivemos que aprender un novo xeito de relacionarnos. O equipo docente do IES POETA DÍAZ CASTRO quere agradecer toda a colaboración recibida por parte das familias e felicitar ao alumnado, que con carácter xeral, soubo adaptarse á situación inesperada e excepcional que vivimos neste derradeiro trimestre. NORABOA A TODOS/AS!!

Nos cadros que figuran a continuación, móstrase o calendario previsto para entrega de chaves de taquilla, entrega de ordenadores e libros, recollida de notas, de obxectos persoais e datas de matrícula por cursos.

De mans do seu representante, Vicente Sanmartín Vigo, vimos de recibir no día de hoxea unha doazón de 40 litros de xel hidroalcohólico por parte da empresa VERTEX Technics ao noso centro.

Vicente Sanmartín é membro da nosa comunidade educativa e representante de pais/nais no Consello Escolar.

Toda a comunidade educativa quere mostrar e facer chegar a dita empresa o seu agradecemento por esta doazón que pon nas nosas mans unha reserva que, sen dúbida, será de grande utilidade para o cumprimento dos protocolos sanitarios no inicio do vindeiro curso.

Información ás familias:

Dende o Concello estanse a incrementar as partidas de emerxencia socialque tradicionalmente se adicaban a cubrir necesidades básicas como: alimentos, vivenda, enxoval, vestido etc…

A partir de agora poderanse subsanar as posibles deficiencias tanto de conexión a internet coma da necesidade doutro tipo de dispositivo.

Por iso toda aquela familia que se vexa afectada neste sentido; non ten máis que poñerse en contacto cos servizos sociais municipais e adaptaranse as solucións ás súas necesidades dos seguintes xeitos:

• Suministro de pendrives con datos adicionais.
• Axudas económicas para ampliación de contratos de datos.
• Axudas económicas para a adquisición de dispositivos.

Sen máis un cordial saúdo.

SESIÓNS LECTIVAS TELEMÁTICAS

	A	B	PMAR
1º ESO
2º ESO
3º ESO
4º ESO
1º BAC
2º BAC

Con motivo da situación de excepción a que nos enfrenta a pandemia covid-19, o equipo docente do IES POETA DÍAZ CASTRO  ven de artellar unha serie de medidas dirixidas a atender ao alumnado telemáticamente.

-        O profesorado manterá o contacto continuado co alumnado:

§  A través da Aula Virtual, espazo E-Dixgal (1º e 2º de ESO), correo electrónico, redes sociais e soportes de traballo colaborativo.

§  O profesorado poderá atender ás familias a través do EspazoABALAR no horario habitual de titoría.

-        O alumnado disporá de actividades e sesións lectivas telemáticas co profesorado no horario que pode ver aquí, polas vías antes citadas. Calquera outra consulta poderá ser formulada polas mesmas vías, asumindo que o tempo de resposta pode non ser inmediato.

Lamentamos o trastorno que todo isto causa a toda a comunidade educativa a estas alturas de curso, e agardamos que sexa pola saúde de todos e afecte o menos posible ao rendemento académico do alumnado.

Queremos transmitir o noso apoio e a nosa confianza en que todo isto será superado mellor remando todos xuntos.

Pregamos se manteñan atentos ás comunicacións que faga o Goberno da Xunta, así como ás que se poidan ir realizando nesta web, e a través das nosas redes sociais (Facebook, Twitter e Instagram  @alusdomundo).

A Dirección

Ponse en coñecemento das familias e de todo o alumnado que na reunión do consello da Xunta de Galicia celebrada na mañá de hoxe, acordouse a

suspensión da actividade lectiva  ATA NOVO AVISO, a partir do luns 16 de marzo.

O alumnado terá acceso, por medios telemáticos, a actividades xenéricas relacionadas cos contidos curriculares, segundo establece a propia administración educativa.

Máis información en http://www.edu.xunta.gal/portal/medidas-coronavirus

MEDIDAS ORGANIZATIVAS QUE ADOPTARÁ O NOSO CENTRO EN RELACIÓN COA SUSPENSIÓN DA ACTIVIDADE LECTIVA POLA PANDEMIA COVID-19 

AVISO IMPORTANTE:

Coa finalidade de garantir a seguridade do alumnado transportado, e debido ás inclemencias meteorolóxicas,

suspéndese a actividade lectiva (clases).

O IES Poeta Díaz Castro recebeu este luns, 16 de novembro, o Premio Nacional de Educación na modalidade de Desenvolvemento de Competencias de Lectoescritura e Audiovisuais polo seu proxecto IES POETA DÍAZ CASTRO: A LUS DO MUNDO, entorno á figura do autor homenaxeado nas Letras Galegas 2014, o guitiricense Xosé Mª Díaz Castro. O Ministerio recoñece así o traballo do centro docente na difusión da figura do poeta, recollido na web A lus do mundo.

Aquí están. Eles e elas. Todos posando felices por ter rematado (por fin!) o seu paso polo noso Instituto. Seguro que a algúns/has faríaselle curto, mentres que a outros/as pareceríalles unha eternidade. Pero todo o que comeza remata algún día.

Eles e elas son: Aldara, Cristina, Paula, Manoli, Carlos, María, Andrea, Elena, Noelia, Christian, Yaiza, Martín, Laura, Esteban, Sabela, Suso, Martín, Noelia, Xurxo, Daniel e Jonathan.

A nós, como equipo docente deste centro, só nos queda xa desexarlles o mellor e os maiores éxitos nas súas vidas, fagan o que fagan con elas.