Valoración REDOX
EXEMPLO - SETEMBRO 2018
Déixovos enunciado e criterio de corrección CIUG:
PROCEDEMENTO (Ampliado un pouco a partir de CIUG)
Fixádevos en que o procedemento é moi semellante á valoración Ácido-Base que fixemos no laboratorio.
Medimos coa axuda dunha probeta 20 mL da disolución de sulfato de ferro (II) que introducimos nun matraz Erlenmeyer.
Por outra banda, preparamos a montaxe, cunha bureta colocada nun soporte coa axuda dunha pinzas. Na bureta introducimos coa axuda dun funil a disolución de permanganato potásico. Enrasamos e cebamos a bureta. (Cebar a bureta consiste en comprobar que non nos quedan burbullas de aire que provocarían erro no volume medido).
Pouquiño a pouco imos engadindo a disolución de permanganato sobre o Erlenmeyer, mentres axitamos o matraz. O permanganato, disolución de cor rosa escura, reacciona co ferro presente no matraz. No momento en que se consome todo o ferro do matraz o exceso de permanganato tingue de rosa a mestura, até o momento incolora, co que saberemos que estamos no punto de equivalencia. Pechamos a chave da bureta e anotamos o volume de permanganato, que debe de ser próximo ao calculado de 18 mL.
Podemos repetir o experimento un par de veces máis e calcular a media dos volumes obtidos.