Pila - Redox
DESEÑO DUNHA PILA
EXEMPLO - SETEMBRO 2020
a) Explica como construirías no laboratorio unha pila empregando un eléctrodo de cinc e un eléctrodo de níquel, indicando o material e os reactivos necesarios.
Material:
Vasos de precipitados de 100 cm³ (2)
Tubo en U
Cables con pinzas
Voltímetro
Reactivos:
Láminas de níquel e cinc puídas
Disolucións de sulfato de cinc de concentración 1mol/dm³ e sulfato de níquel (II) de concentración 1mol/dm³.
Disolución de nitrato de potasio (valería cloruro de potasio ou calquera outra disolución dun electrólito inerte) para a ponte salina.
PROCEDEMENTO
Nos vasos de precipitados poñemos 100 mL das disolucións. Nun vaso, que vai ser o ánodo, da de sulfato de cinc. No outro, que vai ser o cátodo, da de sulfato de níquel.
Introducimos as láminas de metal nos vasos de precipitados e conectámolas co voltímetro mediante os cables con pinzas.
Por outra banda, preparamos a ponte salina enchendo un tubo en U coa disolución de cloruro de potasio e colocando uns anaquiños de algodón despois nos extremos do tubo. Axudándonos dun soporte facemos a montaxe, introducindo cada unha das ramas do tubo en U nun dos vasos de precipitados.
ATENCIÓN, SEGUNDO O CRITERIO DA CIUG: Para a explicación da construción da pila valería un esquema ou unha explicación detallada do procedemento.
VÍDEO EXPLICATIVO