2009, Ano do naturalista Charles Darwin

Hoxe, 12 de febreiro cúmprense douscentos anos do nacemento do naturalista inglés Charles Darwin. Este ano adícase á lembranza deste científico e da súa obra sobre a teoría das especies.

¿Quen é Charles  Darwin?         Charles Robert Darwin naceu en Sherewsbury (Inglaterra) o12 de febreiro de 1809. O seu avó paterno, Erasmus,   foi médico e recoñecido naturalista. Desde neno mostrou gusto pola historia natural e unha grande aficción por coleccionar conchas, moedas e minerais),  “o que leva a un a facerse naturalista sistemático, experto, ou avaro”.    No 1825 ingresa na Universidade de Edimburgo para estudiar medicina por decisión do seu pai. A carreira non lle interesou nada, logo de dous anos de non estudiar, seu pai proponlle a carreira eclesiástica, e aínda que non tiña moita fe, acepta a idea de facerse crego rural e ingresa no Christ´s Collage de Cambridge.      Unha nova vida     

Tamén en Cambridge Darwin perdeu o tempo do estudio e adicouse á caza e á hípica, e as troulas cos amigos, mais  tamén afeccionouse á pintura e á música, e asistiu voluntariamente ás clases do botánico e entomólogo John Henslow. Este científico tivo unha intervención directa na vida futura do mozo Darwin,  ó recomendalo para que embarcara como naturalista no barco Beagle, do capitán Robert Fitzroy, nunha viaxe ó redor do mundo.    Seu pai oponse, pero aconsellado polo tío materno de Charles quen o vira moi interesado na viaxe, aprendendo castelán para visitar Tenerife.

O 27 de decembro de 1831 sae no Beagle do porto de Davenport.    Ó longo da viaxe o seu talante experimentou unha transformación moi fonda. A súa atención foi máis e máis absorbida polos aspectos científicos. O estudio da xeoloxía foi, no comezo, o factor que deu impulso á formación como investigador de Darwin na viaxe.    

 Volveu á Inglaterra o 2 de outubro de1836, e coa saúde algo afectada. Pero os anos que seguiron foron os máis activos da súa vida. Traballou nun diario da viaxe e na elaboración de dous textos sobre xeoloxía e zooloxía, e comezou a escribir sobre a transmutación das especies.  As investigacións convencérono de que a selección é a clave do éxito na obtención de melloras útiles nas razas de plantas e animais.

    Casou coa súa curmá Enma Wedgwood no1839 e tivo dez fillos. Finou ó 19 de abril de 1882 dun ataque cardíaco.