Actividades curso 2017-2018

O xoves 15 de marzo, un grupo de alumnos/as de 1º, 2º e 3º ESO participou no XXV concurso Canguro Matemático, organizado pola Asociación homónima.

Este ano, a proba celebrouse no noso centro, ao que acudiu tamén o alumnado participante do IES Santa Irene.

Coa participación do alumnado do IES San Paio, de Tui; o IES Escolas Proval, de Nigrán; o IES Manuel Antonio, de Vigo; e os nosos veciños do IES Alexandre Bóveda, a xuntanza resultou todo un éxito.

Quixéramos agradecer especialmente o traballo realizado ao nos alumnado responsable do Club Manga e á profesora de xaponés da EOI de Vigo, Suevia Sobral, que asistiu á nosa xuntanza para abraiarnos e divertirnos cos seus coñecementos sobre Xapón e a súa cultura.

Que veñan moitas máis celebracións como a deste ano!

+

Os alumnos de 4º ESO  e de Bacharelato da rama científica, recibiron o día 29 de novembro a visita do neurocientífico , profesor da UDC e divulgador Xurxo Mariño que impartiu unha conferencia na que contou anécdotas e aspectos científicos da súa viaxe  arredor do mundo.

Durante noventa minutos conseguiu abraiarnos e transmitirnos as marabillosas sensacións que se esconden detrás dos espectáculos que nos amosa a natureza : o deserto do Kalahari no que viven os “san”ou bosquimáns” unha tribu aínda hoxe en día cazadora-recolectora, e que son os seres humanos que posúen a maior diversidade xenética, ademais de contar cunha” lingua de clics” na que incorporan ata nada menos que 140 fonemas. Ademais puidemos emocionarnos vendo o impoñente  glaciar Perito Moreno de 250 km², viaxamos ao Cabo de Fornos, ao Salar de Atacama,vimos aborixes australianos que comen formigas…e tantos outros lugares.

Todos nos sentimos viaxeiros mentres escoitabamos e, por suposto, quedamos encantados!!  

O mércores 27 de setembro o alumnado de bacharelato de debuxo artístico e de historia da arte asistiron á exposisción de Anxel Huete no MARCO. O propio artista guiounos pola súa exposición.

+