Música na escola

O alumnado de 2º de ESO asistiu o xoves 26 de xaneiro no Auditorio Municipal ao concerto ofrecido pola Escola Municipal de Música Folk e Tradicional (E-Trad). Este acontecemento, ao que asistiron preto de 200 escolares, enmárcase no programa do Concello de Vigo "Música na escola".

Baixo o tema "Migrasóns" a E-Trad fixo un percorrido pola historia da música tradicional galega dende as cantigas medievais, pasando polos cantos de seitura, as muñeiras, os pasodobres, polcas e cantos corais. Esa evolución mostra a mestizaxe tanto de instrumentos como de sons entre músicas tan nosas como dos demais.